Skyttuspjallið

Nú er ég að hugsa að fara að leggja út en langar að forvitnast hvort menn hafi prufað að nota selshræ?
Ég er alltaf að tína niður einn og einn og tíkin sækir þá sem eru innan 100 metrana úti í sjó.
grillað selkjöt er ágætt en var að hugsa um hvort reynsla sé af því sem útburður fyrir ref.

Ég hef ekki lagt út sel við skothús en snemma í fyrra þá lá dauður selur í fjörunni þar sem við veiðum skarf, rebbi gekk á hræið en hann hefði örugglega gengið meira á það ef að það hefði verið rist á kviðinn á honum.

En rebbarnir gæddu sér nú á honum fyrir því en gekk aðeins hægt á hann , virðist hafa gengið illa að komast í gegnum skinnið

Selur er prýðilegt tófuagn. Bara opna hann ekki of mikið þannig að hann klárist ekki of ljót.

Sæll nafni, ég hef reynslu af að notast við selshræ við ströndina, hann gekk ákveðið í það eftir að krummi var farinn að kroppa í hræið en það var greinilegt að refurinn sýndi því engan áhuga fyrr. Undanfarin ár hef ég skotið refi í uppsveitum Árnessýslu og víðar en gengið best að notast við hræ af hrossi.
Þegar ég byrjaði uppí sveitum hafði ég ekkert æti og tók því með mér nýskotinn sel til að nota sem agn en það gekk ekki upp þar.
Ég gat mér þess til að ástæðurnar væru helst þær að ég var með sel langt inní landi, þar sem kvorki hrafninn né tófan þekktu hann sem æti, eins var á þessum tíma frost og skafsnjór og hart selshræið ekki auðveldasta ætið fyrir krumma
Ég fláði selinn viku seinna svo krummi og rebbi fengju kannski áhuga á spikinu en það hafði ekkert að segja, ég fjarlægði svo hræið um leið og ég fékk hross og þá fóru hlutirnir að gerast.
Af fenginni reynslu myndi ég hiklaust notast við sel nálægt sjó.
Kv.
Þorsteinn B. Bjarnarson

Ættli ég flokkist ekki á milli fjalls og fjöru en þessi vangavelta er vegna þess hve mikið er af rolluhræum nú hér í sveitini og aðgangur að hrossi ekki góður en ég verð einhvern vegin að bjóða betur