Skyttuspjallið

Þá er loksins búið að gefa út hreindýraveiðikvótann fyrir veiðitimabilið 2013.

http://www.umhverfisraduneyti.is/frettir/nr/2323

http://www.umhverfisraduneyti.is/media/ ... a-2013.pdf

http://www.mbl.is/frettir/innlent/2013/ ... _hreindyr/

Já þetta er pínu athyglivert, svæði 7 komið með fleiri dýr en 1+2

Verður fróðlegt að sjá hvar menn sækja um núna

Það verður nú að klappa duglega fyrir Svandísi fyrir það að geta klárað þetta tveimur mánuðum of seint Það eru ekki allir sem að standa sig jafn vel í að pirra jafnvel mestu rólyndismenn

Kveðja Keli

Er eitthvað vitað um verð á leyfi í ár.

"Gjald fyrir tarfaleyfi er á öllum svæðum 135.000 kr og á gjald fyrir leyfi á kúm er á öllum svæðum 80.000 kr."

Af:
http://www.ust.is/einstaklingar/frettir ... dyraleyfi/

Frábært... ég býst við að Svandís skelli þá kornflexpakkanum með leiðsögumannaréttindunum í póst fljótlega eftir helgi... ég hef mest veitt à svæði 7 sunnan Hamarsàr og því tilvalið að fá réttindin eftir svona mikla fjölgun á dýrum á þessu svæði!

Ekki virðist hún ætla að reka UST til þess að klára námskeiðin fyrir okkur sem sóttum um þessi réttindi fyrir 2 àrum síðan... ég er að verða frekar pirraður à þessu sinnuleysi UST!

UST og umhverfisráðuneytið, umhverfisráðherra og aðrir sem koma að þessu máli meiga skammast sín fyrir að koma með þetta svona seint. Það þarf að hreinsa til á þessum bæjum.

Niðurröðun á veiðisvæðin eru með örðu móti en síðustu ár, eins og við vorum búnir að fá þefinn af fyrir nokkrum, í gegnum munnmælasagnir.

Nú fer maður að spá i hvaða svæði maður sækir um á, og sækir svo um. Verðin eru svínslega há eins og í fyrra.

Fyrir utan löngu tímabæra fjölgun á leyfum á svæði 7 finnst mér þetta nokkuð merkilegt.

"Þá verður sú nýbreytni að heimilt verður að veiða allt að 22 kýr af 68 á veiðisvæði 8 og allar kýr, þ.e. 25, á veiðisvæði 9, á tímabilinu 1. til 30. nóvember."

Eitthvað sem að menn hefðu viljað sjá fyrir 2-3 árum.

Eru menn spenntir fyrir þessum möguleika ?

Mér þætti gaman að vita, ef einhver veit, af hverju þeir leyfa að fella allar kýrnar á svæði 9?

Síðastliðin 2 ár hefur gengið illa að veiða úr hjörðinni á svæði 9 þar sem dýrin eru á svæðum sem eru mjög erfið yfirferðar og/eða á jörðum þar sem landeigendur banna veiðar. Í fyrra voru flesstar kýrnar sem fella átti á svæði 9 felldar á svæði 8 vegna þessa, eins og kemur fram í þessum pósti til leiðsögumanna frá Umhverfisstofnun.

"Á veiðisvæði 9 hafa nú verið veiddar 7 kýr af þeim 25 kúa kvóta sem úthlutað var á svæðið. Á veiðisvæði 9 er aðeins vitað um 12 kýr á veiðanlegum svæðum ( við Flatey og í Heinabergsdal) og því ljóst að eins og staðan er núna dugar það ekki til að náist að veiða upp í kvótann og jafnframt má ætla að áframhaldandi sókn í þann hóp veiðidýra sem vitað er um á svæðinu leiði til ofveiði úr þeirri tilteknu hjörð. Með tilliti til þessa hefur Umhverfisstofnun í samráði við Náttúrustofu Austurlands ákveðið að stöðvaveiðar á þessum tilteknu kúm á svæði 9."

Þegar komið er fram í nóvember koma dýrin niður og verður auðveldara að nálgast þau. Vona að þú sért ekki að misskilja að það eigi að fella allar kýr á svæði 9, einungis er átt við að heimilt sé að fella allan kvótann í nóvember.

Kærar þakkir fyrir útskýringuna, jú ég var að misskilja þetta eitthvað en er núna aðeins skýrari í kollinum um þetta

Jón, þetta er misskilningur, Umhverfisráðuneytið setti inn í reglugerina heimild til að gera þetta en Umhverfisstofnun gerði það að ófrávíkanlegri reglu.
Samkvæmt því á að veiða allar kýr á svæði 9 og 22 kýr á svæði 8 í nóvember eins og kemur skýrt fram kemur í slóðinni um reglur vegna veiðanna frá Umhverfisstofnun, sem Björninn setti inn í póstinn sinn hér að ofan og ég set hérna inn aftur.

http://www.ust.is/einstaklingar/frettir ... dyraleyfi/

Já ég áttaði mig á því, takk fyrir að hnykkja á þessu.

Það sem ég var að reyna að leiðrétta er að það ætti að fellla ALLAR kýr sem næðist í á svæði 9. En þannig skildi ég Guðfinn þegar hann spurði.
"Mér þætti gaman að vita, ef einhver veit, af hverju þeir leyfa að fella allar kýrnar á svæði 9?"

Mér sýnist að það vanti einfaldlega ,,í nóvember" fyrir aftan textann hjá Guðfinni

Nei, ég var að miskilja þetta, er núna búinn að "stokka upp aftur" í kollinum og held að ég skilji rétt núna.

Þessi pistill er á heimasíðu Náttúrustofu Austurlands og skýrir út kvótasetninguna og tilfærslu kvóta milli svæða á komandi veiðitimabili.

http://na.is/images/stories/frettamyndi ... 202013.pdf