Hleðsla í Kongsberg línubyssu ?

[Pálmi]

Er ekki einhver þarna úti sem kann að hlaða í þessi verkfæri ? það er orðið ansi erfitt að fá skot í þetta.
Mig vantar ráðleggingar

[Konni Gylfa]

Sæll Pálmi. ég er nú ekki með svörin við þessu en ætla að troða því að að mig vantar einnig uppl um þetta sama verkefni. Á ekki nema 5-10 orginal skot í þetta eftir og það er eiginlega bara alls ekki hægt að finna þetta í dag.

Það hlítur einhver þarna úti að hafa einhverja vitneskju um hvernig sé best að hlaða í þetta.

[Birgir stranda]

Er með hleðsluupplýsingar.
Þið getið hringt í síma 8941969

[Kristmundur]

Sælir felagar.
skotin í þetta eru búin til úr 10.15x61R Jarman og hleðslan var frá 1,6 grömm-2.3 grömm (24-35 grs.)af svartpúðri
Hvellhettan er trúlega berdan, ætti ekki að vera mikið mál að hlaða ef menn eiga svartpúður og berdan hvellhettur.
Kv
Kiddi

[Aflabrestur]

Sælir.
Var komin í samband við náunga á Hofsósi sem var kominn með nútíma hleðslu í þetta, minnir að Hlað hafi útvegað honum patrónur. Hann ætlaði alltaf að láta mig hafa ein 2-3 hylki og uppskriftina en hef svo aldrei heyrt neitt meira í honum. og búinn að tila nafni og síma hjá honum.
Annars er þessi riffill sem félagi minn er með ekki þessi hefðbundni M98 lás heldur mikið líkari Lee Enfield þe. skeftið í tvennu lagi og svona "band" aftast á lásnum utan um skeftið ef einhver kannast við þetta þá væri gaman að heyra í mönnum. Hef ekkert fundið sem líkist þessum á netinu.

[Birgir stranda]

Hef opnað nokkur svona skot. Þau voru hlaðin með cordite eða púðri sem leit alveg eins út og cordite. Hylkin alveg full en erfitt að vikta þar sem púðrið var allt orðið klest inn í hylkin og lokið. Þau hylki sem ég hef notað eru öll með boxer hvellhettu.

Veit nú ekki hvort það er sniðugt að setja fram hleðslutölur á svona dóti en ég hef gert þetta svona. Boraði út blossagatið þar sem það náði ekki alltaf að brenna á milli og nota magnum hvellhettur. Síðan er bara að byrja með örfá grain og vinna sig upp í þá hleðslu sem hentar. Fer náttúrulega eftir því hvað menn eru að skjóta þungu. Ég nota reyklaust púður og batt byssuna við hornstaur þegar fyrstu heimagerðu skotunum var hleypt af.
Ykkur er velkomið að hafa samband ef þið viljið fá nánari lýsingar á þessu sem eru varla prenthæfar.

[Kristmundur]

Cordite er það ekki, þau hilki sem eg hef opnað voru með svartpúðri,en það voru gömul koparhilki
greinileg stytt úr Jarman hilkinu. Herna er svo mýnd af cordite púðri.

[Birgir stranda]

Greinilega hlaðið með báðum púðurgerðum því skotin mín voru svo sannarlega hlaðin með cordite. Reyndar ekki í svona lengjum einsog tíðskaðist í t.d 303 brit heldur kornað. Þess vegna var ég ekki viss um að það væri cordite. En við nánari athugun stendur hlaðið með cordite á dolluni sem skotin komu í.
Púðrið var mjög svipað púðrinu á þessari mynd nema að það var í teningum.