Hreindýraskyttur

[Veiðimeistarinn]

Eins og fram hefur komið hérna er komin út bókin Hreindýraskyttur, Líflegar og fræðandi frásagnir af hreindýraveiðum.
Ég hvet alla þá sem áhuga hafa á hreindýraveiðum til að eignast þessa bók og lesa hana, hún inniheldur eins og segir í undirtitlinum líflegar og fræðandi frásagnir, þó ég segi sjálfur frá, en ég segi jú sjálfur frá í bókinni, nóta bene
Meginmarkmiðið með því að stofna til þessa þráðar, þó mér sé að vísu málið skilt, er að fá fram upplifun spjallverja við lestur bókarinnar og umsagnir þeirra um bókina og viðtölin í henni.
Mér finnst höfundinum Guðna Einarssyni blaðamanni og rithöfundi hafa tekist býsna vel upp við ritun þessarar bókar.
Hafa ber í huga að þetta er fyrsta bókin sem fjallar eingöngu um hreindýr og hreindýraveiðar síðan bækurnar, Á hreindýraslóðum og Hreindýrin okkar, komu út um og fyrir árið 1950 eða í rúm 60 ár, svo það var sannanlega kominn tími til að eitthvað í þessum dúr liti dagsins ljós og Guðni og Guðjón Ingi Eiríksson hjá bókaútgáfunni Hólum, http://www.holabok.is/ eiga þakkir skyldar fyrir að ráðast í þetta verkefni.
Bókin er auglýst um helgina á kynningarverði í Hagkaupum sem gildir 8. til 10.nóvember á krónur 4.599 þegar venjulegt verð er 5.599 krónur, svo þar er enn tækifæri á morgun mánudag.

[Sveinbjörn]

Já Drengir og Stúlkur það er ár og dagur sem ég hef gefið mér tíma í bókalestur. Netgláp og annað hefur orðið ofaná og því var það kærkomið að fá bók Guðna til aflestrar.

Þar er komið nokkuð víða við og hafði ég góða skemtun af því lesa um búnað veiðimanna og má þar nefna 1stk long rifle skot í veiðiferð. Nokkur Short voru einnig til en ekki kom til þess að þau voru notuð.

Kann ég Guðna bestu þakkir fyrir góð skrif.

[Guðni Einars]

Kæru skotmenn og skyttur,

hér er hlekkur á síðu þar sem hægt er að fletta fremstu síðunum í bók minni Hreindýraskyttur:

http://issuu.com/gunnarkr/docs/hreind__raskyttur/1

[Stebbi Sniper]

Sæll Guðni

Til hamingju með glæsilega bók, ég var búinn að ákveða að fá mér hana áður en ég fékk að kíkja inn í hana, en það skemmir svo sem ekki fyrir að fá sýnishornið. Virkilega flott bók við fyrstu skoðun.

[gylfisig]

Verður jólagjöfin í ár hjá mér

[Veiðimeistarinn]

Það er gott tilboð á bókinni Hreindýraskyttur í Nettó núna um helgina 21-23. nóv. 35% afsláttur og bókin kostar 3.698 krónur á þessu tilboði.

[Veiðimeistarinn]

Ég vil bara minna á bókina Hreindýraskyttur eftir Guðna Einarsson.
Tilvalinn gjöf fyrir veiðimanninn í jólapakkann,
Hún kostar 3.698,- í Bónus, fæst ekki ódýrari það ég veit en venjulegt verð er 5.689.-

[Stebbi Sniper]

Sælir félagar

Þakka þér Siggi fyrir að láta vita af þessari frábæru bók og halda þessari bók að mér og öðrum... þakka þér líka Guðni fyrir að koma þessu saman. Frábær bók og fróðleg lestning fyrir leikmann eins og mig til þess að skyggnast inn í gamla veiðitíman... hef vart getað slitið mig frá bókinni síðan ég opnaði hana nú í kvöld.

***** lifi mig inn í hverja frásögn virkilega vel að verki staðið.

[Jenni Jóns]

Mjög góð bók, takk fyrir

[Guðni Einars]

Það gleður mig að mönnum skuli líka bókin. Viðmælendurnir sögðu vel frá og vonandi tókst mér að koma frásögnum þeirra skammlaust á blað.

[Spíri]

Mjög góð og fróðleg viðtöl í bókinni, þakkir Guðni fyrir skemmtilega bók.

[sindrisig]

Gleðilegt árið kappar.

Ég las hratt og vel í gegnum skrudduna og líkaði að flestu. Eina sem ég get góðfúslega bent á eru tvítekningar, oftast í upphafi kafla.

Hvað um það þetta var hin besta lesning og það er alveg "Haugur" af ósögðum sögum, sérstaklega af öðrum svæðum.

Næsta jólagjöf hlýtur að vera svæði 3 og 4 (fyrst 1 og 2 eru afgreidd). Eg hlakka til þegar komið er að svæðunum þar fyrir neðan (eða ofan í töluröðinni). "Aktu taktu" stendur alveg undir nafngift, hef aldrei ekið eins lengi "utan vega" eins og með Sigga árið 2013. He he og það besta var að Siggi ætlaði að taka matmálstíma þegar ég sá dýrin. Að sjálfsögðu á undan honum.

Gott árið gott fólk.

[Veiðimeistarinn]

Sindri,,Utan þjóðvega" áttu væntanlega við Það er bannað að aka utan vega
Þetta er nú miklu heldur aktu aktu, tektin getur nú verið býsna flókið og snúningasamt ferli ekki satt?
Önnur svæði....??? gerist eitthvað þar
Svæði 3 og 4, þaðan verða nú valla sagðar nema smásögur eða pissusögur, svæðin eru svo lítil að það er hægt að pissa yfir þau bæði frá sama staðnum ef ég stend á milli þeirra