Nýtt föndur á frívaktinni

[petrolhead]

Sælir félagar.
Var að föndra aðeins á frívaktinni við að smíða handföng á riffilbolta og langaði að deila myndum með ykkur, ekki nein geimvísindi eða nýlist bara föndur með járn og þjöl

k kv
Gæi

[guffi]

fallegt

[guffi]

Úr hverju ertu að smíða þetta?

[petrolhead]

Takk fyrir það.
Í þetta var notaður öxull sem var búinn að ljúka hlutverki sínu sem slíkur, veit ekki fyrir víst hvaða gerð af stáli var í honum, þó sennilega eitthvað yfir 37 stál.
Tek fram að liturinn er ekki réttur á myndunum, þetta verður svona gult út af lýsingunni þar sem myndirnar voru teknar.

kv
Gæi

[Aflabrestur]

Sæll gamli.
Ef þetta hefur verið öxulstál þá er þetta það sem var kallað ST52 hér áður. En flott vinna greinilegt að allir tímarnir okkar í gamladaga hjá Gulla og Kóninum í HVM með þjölina eru loksins að skila sér til baka, en hefur þú skoðað það sem er kallað "butter knife bolt handle" eitt alflottasta lag á boltahandfangi sem til er að mínu mati en ég er að vísu ferlega hrifinn af þessum germanska skógar/fjalla riffilstíl. Fullstok stutt hlaup og sjónaukar með lítilli stækkun og linsu.

[petrolhead]

Sæll félagi Aflabrestur.

Jú einhverju hafa sennilega Gulli og kónas komið inn hjá manni á sínum tíma
Það er ekki ólíklegt að þetta sé 52 stál, fannst það samt varla nógu stíft undir þjölinni til þess. Annars er maður svo lítið að vinna með annað en RF núorðið að???
Googlaði butter knife handle og er ekki frá því að ég prófi að gera eitt þannig ef vel liggur á mér.

k kv
Gæi

[petrolhead]

Eftir að skoða smíðina hjá Sigga (veiðir) og fá upplýsingar hjá honum þá varð ég að prófa að smíða trikkler og er þá ekki skylda að deila þessu með félögunum hérna

MBK
Gæi

[petrolhead]

Sælt veri fólkið.

Þá er það nýjasta föndrið, hef verið að gera tilraunir með smíði á mismunandi útfærslum af öryggi fyrir 98 mauser og langar að deila því með ykkur til gamans.
Hvatinn að þessu verkefni var að mig langaði í Timney Buehler style öryggi en fann engan í Ameríku sem vildi selja mér slíkt svo ég ákvað að prófa að smíða mér eitt....og já HEMMM... það vatt aðeins upp á sig

MBK
Gæi

[karlguðna]

verulega smart .

[petrolhead]

Það er í mínum huga alltaf jafn gaman að smíða eitthvað, sérlega úr málmi.
Eðal piltur einn lét mér í té þennan fína fót undir rest hér á vordögum og þar með var ekkert annað í stöðunni en að fara að renna, bora og snitta

MBK
Gæi

[Aflabrestur]

Alltaf jafn gaman að föndra eitthvað, sérlega byssu tengt.
Eðal piltur einn lét mér í té þennan fína haus á rest hér á haustdögum og þar með var ekkert annað í stöðunni en að fara að renna, bora, sjóða og snitta. Og þetta er afrakstur gærdagsins.
2 svona

[petrolhead]

Glæsileg smíði hjá þér félagi Aflabrestur Það verður gaman að sjá þetta í eigin persónu þegar færi gefst

Kv
Gæi

[Aflabrestur]

Sælir.
Ætlaði ekki að troða mér hér inn á þráðin hans Gæa en veit að ég fæ sinda aflausn hjá honum.
Bras dagsins ekki í rónni nema maður sé í boltanum

[Aflabrestur]

áframhald

[petrolhead]

Aflausn sinda mun yður veitast félagi Aflabrestur.
Eins gott að þú setjir eitthvað hér inn því ég er búinn að vera svo arfa slappur í föndrinu undanfarið .

MBK
Gæi

[Aflabrestur]

Sælir.
Þá er seinna restið klárt og búið að taka jónfrúrskotin á því og virkar fínt aðeins smá fínisering eftir og svo er spurnig hvað maður gerir til að verja það? mála, húða ein hugmynd er blámi á svarta stálið og pólera rest.
Sérstakar þakkir fær félagi Gæi (petrolhead) fyrir völundar smíði á hausnum