Helsti búnaður

[petrolhead]

Sælt veri fólkið.

Hvernig væri að nú að fá smá líf á þetta spjall

Mig langar að henda fram smá spurningu varðandi hreindýra veiðiferðir.

Hvað er helsti búnaður sem þið hafið með ykkur í svona veiðitúr....fyrir utan að sjálfsögðu góðan riffil, skotfæri og leiðsögumann.

MBK
Gæi

[Veiðimeistarinn]

Já, sæll !!
Númer eitt, tvö, og þrjú, leyfið fyrir hreindýrinu sem þú fékkst sent í pósti, pappa spjaldið tvöfalda og plast merkið með sama númerinu og er á leyfinu, ágætt að stinga því strax ofan í tilheyrandi riffil tösku þá gleymist það síður !
Vera í þokkalegri líkamlegri þjálfun, þetta getur orðið labb, (svona dagleið) eins og segir í textanum !
Ef þér finnst vanta upp á það að láta leiðsögumannin vita fyrirfram svo hann geti hagað ferðinni eftir því.
Vera með góðan skóbúnað, með góðum skóbúnaðurinn á ég við þá skó sem þúert vanur að ganga á þegar þú ferð í dags göngu, allt í lagi að henda stígvélum í bílinn ef það er pláss en þau verða vonandi ekki notuð.
Góðan hlífðarfatnað sem ver þig fyrir kulda, vindi og vætu (ekki mikilli vætu þó) við erum ekki á veiðum í mígandi rigningu vegna þess að þá sést ekki neitt.
Staðgott nesti fyrir þig og leiðsögumanninn og þá sem eru með þér, með staðgott á ég við eitthvað kjötmeti í bland við brauðið, feitt svo það standi eitthvað við og gefi orku til ferðarinnar!
Vera á þokkalegum fjórhjóladrifnum jeppa sem kemst helstu fjallaslóða eða tryggja sér bíl til ferðarinnar hjá leiðsögumanninum, en kynna sér allan kostnað við ferðina jafnframt svo það komi ekki á óvart.
Plast til að breiða inni í bílinn ef þarf að setja veiðina inn í bíl og til að setja skrokkinn í ef ekki er búið að gera ráðstafanir til að senda hann strax í úrbeiningu, sumir leiðsögumenn sjá um það.
Svo er það bara góða skapið og jákvæðni, það getur ýmislegt komið upp á í svona veiðiferð sem veiðimenn reikna kannski ekki með en það er nauðsynlegt að geta feisað það á jákvæðan og uppbyggjandi hátt.
Fúlir, smámunasamir og tilætlunarsamir veiðimenn eru leiðinlegir, svo það sé á hreinu !!

[grimurl]

Fyrir utan það sem Veiðimeistarinn telur upp er bara eitt sem ekki má gleymast:

CASH !!!!!!!

Leiðsögumenn og verkunarstaðir taka bara seðla, cash og ekkert kjaftæði!!

[Jenni Jóns]

Ætla ekki að telja upp aftur það sem Siggi er búinn að tína til en það eru nokkrir hlutir í viðbót sem ég tek með mér
Sjónauka
fjarlægðarmælir
GPS
Tvenna skó (aðra létta til að keyra í )
Föt til skiptana (ótrúlega gott að fara í þurr föt eftir að komið er í bílinn aftur)
Talstöðvar (sérstaklega ef það á að sækja fleiri en eitt dýr í ferðinni)
Grisju (ef þarf að draga dýr oftast berum við þau)
Góðan hníf (hef gleymt mínum, leið ekki vel með það þó nóg væri af hnífum í ferðinni hjá öðrum)
Góðan bakpoka

[Ingvi]

Líka gott að hafa rifillinn með og skot