Hvaða caliber mynduð þið velja af þessum?

[maggragg]

Hvaða caliber mynduð þið velja af þessum möguleikum. Miðað er við að hægt sé að nota þau á alla bráð á Íslandi. Þar sem aðeins er hægt að hafa 10 möguleika þá komast ekki fleirri fyrir. Getið bætt við öðrum caliberum í þráð eða/og rökstutt ykkar val ef þið viljið en spurningin er samt sú hvaða caliber þið mynduð velja af þeim sem eru í boði.

.243 Win
.25-06 Rem
.260 Rem
6.5x55 SE
.270 Win
7mm-08 Rem
.284 Win
.308 Win
.30-06
.300 WM

[257wby]

Ég myndi taka 260 rem af þessum kaliberum sem gefin
eru upp af eftirfarandi ástæðum.
1. Hentug stærð fyrir íslenskar aðstæður
2. Praktískt í hleðslu
3. Gríðarlega nákvæmt

Kv.
Guðmann

[maggragg]

Sammála með .260

Held að það sameini kosti margra kalibera (byggt á .308, short action, 6,5mm) og væri mitt val í nettu caliberi. Hinsvegar er ég líka hrifinn af .284 sem stærra kaliberi en ef ég ætti að velja tæki ég sennilega .260 vegna minna bakslags og ekki ætti að muna miklu í ferlinum á lengri færum milli þeirra með þyngstu keppniskúlunum 140/180 grain

[Benni]

Ég valdi 308 win því það er gríðar nákvæmt og meir en nógu öflugur á allt hér heima plús það er ódýrt að hlaða í hann og endalaust úrval af kúlum, brassi etc.
Get varla ýmyndað mér betra alhliða caliber en 308 winchester!

Á hinn bóginn er 308 win ekkert sérstaklega spennandi því það eiga allir einn(=

[gylfisig]

Í dag veldi ég 7mm 08.
Mjög áhugavert hylki, enda af góðum ættum runnið.

[Veiðimeistarinn]

Af þessum ofanskráðum mundi ég tvímælalaust velja 2506, gamla 3006 hylkið stendur alltaf fyrir sínu, það er líka áhugavert í 6,5-06 en þá er maður kominn út í sérsmíði og erfitt að fá hylki nema forma þau sjálfur úr 2506 eða 3006!

[konnari]

Af þessum lista vel ég 3 kaliber....þ.e. einn milliþungann 25-06, einn þungann .260 rem og svo eina sleggju í hreindýrið 300wm. Það er mun meira gaman að eiga fleiri en einn riffil. Annars gæti ég komist af með einn 30-06 í allt hér heima ef buddan leyfði ekki annað !

[E.Har]

Eginilega ekker!
Fyrir alla veiði á Íslandi finnst mér 6 mm of lítið.
25-06 akkley imprufed er áhugavert, en einhvað við þetta 30-06 hylki sem böggar mig og hitt ef við erum komnir í semi villikött, afhverju þá ekki einhvað sem er byggt á yngra hylki eins og t.d wsm

6,5 til 7 mm ideal. Jafnvel 7,64
Sem veiðikaliber vil ég það flatt.
260 rem og 270 win næst minum óskum.
Finnst 270 soldið gamaldas vil feitara hylki og krappari axlir.
260 er áhugavert, kannski hægt að renna rýmer í það og stækka baukinn því eins og stendur á skiltunum .
Hraðinn drepur.


Tæki samt frekar 6,5-284 270 wsm og jafnvel 300 wsm sem er samt doldið overkill.

En sem betur fer erum við allir sérvitringar í þessu.
En verð seint flokkaður með alvöru rifflanördum.

[Hjörtur S]

Ég valdi 260rem og virðist það bara ætla koma vel út. Ég sett inn spurningar á Hlað vefinn fyrir ca ári um þetta caliber en þá voru ekki margir með hugann við það. Í þessum þræði hér á ofan er áhuginn greinilega vaxandi.

kk
Hjörtur

[Gísli Snæ]

Augljóslega 260 Rem. Held að við Hjörtur og Ingvar séum sammála um það.

[konnari]

Augljóslega 260 Rem. Held að við Hjörtur og Ingvar séum sammála um það.

Líkar þetta

[konnari]

Fyrir alla veiði á Íslandi finnst mér 6 mm of lítið.
25-06 akkley imprufed er áhugavert, en einhvað við þetta 30-06 hylki sem böggar mig og hitt ef við erum komnir í semi villikött, afhverju þá ekki einhvað sem er byggt á yngra hylki eins og t.d wsm

Einar ég þarf nú að leyfa þér skjóta úr Sauer 30-06 sem ég á til að sannfæra þig um ágæti þess kalibers.....þetta er bara míta í höfðinu á þér að 30-06 sé eitthvað ónákvæmt!
Hér eru 5 skota grúppur á 100 metrum úr „venjulegum“ 30-06 veiðiriffli með 2.5-10 stækkun n.b.

[Guðni Einars]

Hornady RN 220 grs. .30-06, 100 m

3006-3.jpg (70.74 KiB) Viewed 5326 times

Að mínu mati eru öll þessi kaliber prýðilega nothæf til alhliða veiða hér á landi, nema kannski .243 Win. sem getur verið á mörkunum þegar kemur að lengri færum á hreindýr. Veiðimeistarinn getur frætt okkur betur um það. Þrátt fyrir annmarka sína hefur .243 lengi verið á toppinum yfir þau kaliber sem hafa verið notuð á hreindýr.
Ég gaf .270 Win. atkvæði mitt vegna góðrar reynslu af því kaliberi til veiða. Winchester Model 70 riffill í því kaliberi og með 4- 10x sjónauka hefur orðið fyrir valinu þegar ég eða sonur minn höfum unnið í hreindýralottóinu. Eins var þessi riffill fastur ferðafélagi áður en happdrættið var tekið upp. Hlaupið er grannt veiðihlaup en riffillinn skilar auðveldlega undir tommu grúppum á 100 m með réttri hleðslu. Það er mjög ásættanleg nákvæmni fyrir veiðiriffil.
Kosturinn við .270 Win. finnst mér vera hvað skothylkið er ljúft fyrir skyttuna en bráðdrepandi fyrir bráðina. Með því að núllstilla á 200 m er hann 5-6 cm yfir á 100 m og 12-15 cm undir á 300 m eftir því hvaða kúla er valin. Ég nota alltaf 130 grains kúlur. Ég hef í gegnum tíðina notað Nosler BT, Speer Grand Slam, Hornady Interbond, Hornady SST og síðustu árin Swift Scirocco kúlur.
Ég á líka 30-06 með 1,5-6 sjónauka. Þann riffil hef ég einnig notað til veiða hér heima og erlendis. Sá riffill skilar líka mjög ásættanlegri ákomu miðað við veiðibyssu. Ég hef oft skotið hálftommu grúppur á 100 m, með 6x stækkun á sjónauka, með kúluþyngdum frá 150 grains upp í 220 grains. Það er bara fín nákvæmni fyrir hvaða veiðiriffil sem er. Kosturinn við þessi slögg er að þau hreyfast lítið í vindi og virka vel í bráð. Ég hef hótað Veiðimeistaranum því að mæta með svona skot á hreindýr því hann er svo hrifinn af þungum og hægfara kúlum - eða þannig!
Mér finnst að menn eigi ekki að gera kröfur um að veiðiriffill skili sama árangri og benchrest riffill. Þegar kemur að veiðum er aðalatriðið að hitta dýrið á réttan stað. Þess vegna er nauðsynlegt að æfa sig sem mest að skjóta á mismunandi löngum færum og úr þeim skotstellingum sem maður gæti mögulega þurft að nota, t.d. liggjandi eða krjúpandi. Þannig byggir skyttan upp sjálfstraust og kynnist byssunni sinni.
Ég las eftir gamlan speking, Jack O'Connor minnir mig, að til að prófa nákvæmni veiðiriffils sé gott að skjóta einu skoti á blað. Fara aftur daginn eftir og skjóta öðru skoti á blaðið og endurtaka leikinn þriðja daginn. Þannig fáist raunhæf mæling á nákvæmni veiðiriffilsins. Málið er nefnilega það að á veiðum skiptir fyrsta skotið úr köldum riffli öllu máli.

[Hilmir]

Cal .308 Win, ekki spurning.

[iceboy]

Ég á bæði 6,5x55 og 270 og veldi ég annað þeirra.
En ég hef líka skotið hreindyr með bæði 30-06 og 243.

Ég er ekki sammála því að 243 sé í raun of lítill.
Fyrir 2 árum fékk bróðir minn sitt fyrsta hreindyr, fyrsta árið sem hann sótti um.
Hann skaut dýrið á 220 metra færi með 243 án tvífóts, dýrið steinlá, og eftirlitsmaðurinn sem var næstur í hópinn, spurði pabba þegar hann lét vita að þeir gætu farið í hópinn, hitti hann? Hann sá ekki þegar dýrið datt, svo það að 243 sé í einhverjum vandræðum með að drepa á sæmilegum færum er ég ekki alveg sammála. En ég færi nú kannski ekki að teigja mig neitt mikið lengra en þetta með því cal.

p.s Fyrir Sigga ( veiðimeistarann) það var Danni sem horfði á bróðir minn skjóta dýrið

[Veiðimeistarinn]

Guðni og Árnmar.
Það er ekki sama Jón og séra Jón á hreindýraveiðum! Um það bil 10% af veiðimönnum sem koma til mín árlega eru það skólaðir í skotfimi að þeir geti skotið með hvaða vopni sem er til dæmis 3006 með 200 gr. kúlu eða 243 með 100gr. kúlu án mikillar umhugsunar þegar þeir vita færið og áttað sig samstundis á hvað fallið er mikið á vegalengdinni, þetta á raunar við um öll kaliber sem eru hæg með þungum kúlum, þessi 10% geta talist til séra Jónanna
Síðan eru allir Jónarnir 90% af hreindýraveiðimönnum sem ekkert skinbragð bera á fall kúlu og fjarlægðir til bráðar, hvað þá samspilið þar á milli, þess vegna hentar Jónunum best að vera með hröð og flöt kaliber með léttum kúlum
Þess vegna er ekki hægt að alhæfa um þessi mál, en Jónunum er enginn greiði gerður með því að séra Jónarnir ráðleggi þeim að fá sér nú endilega sömu vopn og þeir, nema, taka þá og kenna þeim samspil hraða og fall kúlna versus fjarlægð í bráð jafnframt og miðla þeim allri sinni þekkingu og reynslu á, ja, til þess að gera á örstuttum tíma! Er það mögulegt með einhverjum viðunandi árangri ?? Spyr sá er ekki veit, þó hann viti nú ýmislegt

[iceboy]

Ég er alveg sammála þér Siggi. Þetta snýst að sjálfsögðu um að þekkja sitt vopn, geri maður það þá er hægt að gera margt með allskonar vopnum.

Þegar þú talar um 90% þá skal ég segja þér( ykkur smá dæmi frá í fyrra)

Ég fór með mönnum á veiðar, þeir fengu lánaðan riffil og fóru á laugardeginum upp á álfsnes að prófa, svo fórum við austur á sunnudeginum og á veiðar á mánudeginum.

Veiðin gekk vel, eftirlitsmaðurinn vissi að þeir hittu með rifflinum en að þeir voru ekki reyndir og því var reynt að komast í stutt færi og það tókst, ca 117 metrar.

Allt gekk vel og dýrið hjartaskotið.

Þar sem ég hef nú smá áhuga á skotvopnum þá spurði ég aðeins út í vopnið, cal og þessháttar.
Svarið sem ég fékk var, ég veit það ekki, eitthvað stórt.
Sem var svosem rétt, 7mm rem mag.
ég veit ekki hvort að þessir hefðu vitað hvað þeir væru að gera með 243 á löngu færi eða 3006 ( svo við nefnum nu ekki búmmerangið siggi) En auðvitað lærist þetta oftast með tímanum og reynslunni.
En þetta dæmi þar sem 243 var notaður þá vissi eftirlitsmaðurinn að skyttan hefur notað þessan riffil þónokkuð og skotið allmargar gæsir með honum og þekkir hann ágætlega

[E.Har]

Icaboy Það virkar allt við góðaraðstæður.
Grænlendingar nota gjarnan 223!
Ekki að það sé til eftirbreytni.

Ég er svo sem sammála flestum um að 243 m 100 g kúlu sé alveg lámarkið og það á ser í raun sögulegaskýringu.
6,5 stendur sig mun betur í t.d vindi.
300 magnum er auðvitað overkill fyrir veiðimenn.
Sérstalega ef haft er í huga að flest dýr eru skotin á undir 150m
Þá eikst hættan svo á að kúlurnar sem eiga að sveppa brotni upp.

[Hrafnjo]

Og þess vegna er skotprófið algjörlega nauðsynlegt. Það sýnir allavega fram á færni manna að hitta lágmarksflöt á þessum 100m. Menn fá þá vonandi riflana aðeins fyrr að láni og æfa sig líka gjarnan þar sem þetta kostar örfáar krónur, ekkert af þessu getur talist slæmt.

Vandamálið með reglurnar og .243 eða 6mm er að flestir 6mm riflar skjóta 100gr kúlu frekar slælega. Flestir riflar í því caliberi standa sig mun betur með léttari kúlum og þegar er farið að þrýsta vel á eftir 100gr kúlum í t.d. .243 þá eru menn að lenda í því að kúlurnar láta leiðinlega þegar þær lenda í bráð.

[gylfisig]

Væri ég að fara í hreindýr,, sem ég ætla reyndar að gera í ágúst komandi, þá get ég valið um 3 riffla í skápnum.
SAko TRG-42 300 wm
Sako/Krieger cal 6,5x 47
Mossberg /Winchester cal 308
Og ég verð fljótur að velja..
Sako TRG-42 300 wm.
Hefur aldrei klikkað.
Fellir hreindýr fljótt og örugglega með 165 grs Nosler bt. og er traustur riffill, þó hann sé þungur að bera