Útdráttur hreindýraveiðileyfa

[oliar]

Tekið af vef UST !

Frétt

22. febrúar 2012

Útdráttur hreindýraveiðileyfa

Dregið verður úr hreindýraveiðileyfum á laugardaginn 25. febrúar kl 14:00 í húsakynnum Þekkingarnets Austurlands. Hægt verður að fylgjast með útdrættinum á veraldarvefnum og má nálgast slóðina hér á vef Umhverfisstofnunar þegar nær dregur. Alls bárust 4.328 umsóknir um þau 1.009 dýr sem heimilt er að fella árið 2012. Fimmskiptareglan er í gildi í útdrættinum og eru 46 aðilar sem sóttu um sem falla undir þá reglu og fara í forgang á biðlista verði þeir ekki dregnir út í útdrættinum.

Dregið verður með sama hætti og undanfarin ár í beinni útsendingu. Í ár var umsækjendum gefinn kostur á því að í útdrætti birtist annaðhvort nafn þeirra eða veiðikortanúmer. Veiðikortanúmerið helst óbreytt milli ára og er hægt að finna það á veiðikortinu.

Niðurstöður útdráttar verða svo sendar umsækjendum í tölvupósti á sunnudeginum. Þeir sem ekki hafa tölvupóst fá niðurstöður sendar í bréfi á mánudeginum.

Vefslóð á beina útsendingu frá útdrættinum verður birt á umhverfisstofnun.is þann 25. febrúar.

[maggragg]

Hvernig hefur mönnum gengið að fá dýr síðustu ár? og sóttu menn um núna? Ég sjálfur sótti um í hittífyrra, og lenti einhverstaðar aftast en hef ekki sótt um síðan þá.

[Gisminn]

Sótti um í fyrsta skipti í fyrra og fékk ekki og var númer níuhundruð og eitthvað á biðlista
En keypti þá bara annan riffil fyrir hreindýra peinginn

[Veiðimeistarinn]

Ég hef ekki sótt um hreindýraleyfi síðan ég varð leiðsögumaður 1991. Alltaf búinn að fá yfir mig nóg af hreindýraveiðum þegar ég er búinn að leiðbeina 60 til 90 hreindyraskyttum yfir veiðitímann. Nenni enganvegin að standa í hreindýraveiðum fyrir sjálfan mig eftir þá törn og ef mig langar í hreindýrakjöt kaupi ég það bara, enda mér svosem ekki mikið nýnæmi í hreindyrakjöti, alinn upp á því frá blautu barnsbeini.

[oliar]

Er með mína 6 umsókn inni núna, hef fengið 3 sinnum, þar af í síðustu 2 skifti, en eingöngu tarfa og í ár var sótt um kú........

[maggragg]

Bein útsending af útdrættinum:
http://straumur.nyherji.is/mediasite/Vi ... ccf2dcae1d

[hubertus]

Sælir
hef fengið síast liðin 6 ár, en nú kom að því , er númer 220 á listanum eftir kú á svæði 7 þar sem eru bara 120 kýr í boði. Svo að mínar hreindýraveiðar snúast um leiðsögn þetta árið, sem er ekkert leiðinlegt heldur.

Kv Heiðar

[gylfisig]

Tarfur á sv. 7.
Mæti galvaskur þangað í ágúst, með minn TRG-42 ...ehemmm... ef ég stenst prófið

[Gisminn]

Til lukku með það og hvað máttu endurtaka prófið oft

[gylfisig]

ja.. það er kannski vissara sð athuga það

[Veiðimeistarinn]

Til hamingju Gylfi
Vantar þig ekki leiðsögumann
Ég bíð mig fram

[gylfisig]

Takk.
Jújú.. mig vantar gæd