Nýskráning krefst kt. og póstnúmers

[maggragg]

Var að breyta stillingum á spjallborðinu og núna þarf að setja inn kennitölu og póstnúmer við nýskráningu á spjallborðinu.

Er þetta gert til þess að auðvelda það að fylgjast með því að notendur komi undir réttu nafni og misnoti ekki vefinn á einhvern hátt.

Þessar upplýsingar eru ekki sjáanlegar neinum nema vefstjóra og notandanum sjálfum. Þessar upplýsingar verða ekki notaðar nema grunur kviknar um eitthvað misjafnt. Notendur sem eru fyrir geta sett inn þessar upplýsingar þegar þeir stilla prófilinn hjá sér og reikna ég með að ekki verði hægt að breyta prófílnum nema þessar upplýsingar séu settar inn.

Þetta er á tilraunastigi ennþá og gott væri að fá skoðanir ykkar og upplýsingar hvort þessu fylgja vandamál.

Þess ber að geta að ekkert vandamál hefur komið upp eða grunur kviknað um að neitt misjafnt hafi átt sér stað heldur er þetta aðeins hluti af þróun vefsins og vonandi til að gera hann ennþá betri og öruggari.

Vert er að benda á hnapp við hvern póst að ofan til hægri, þríhyrning með upphrópunarmerki en þar er hægt að tilkynna póst sem notendur telja að vefstjóri þurfi að skoða. Berast tilkynningar um póst verður hann skoðaður.

Bestu kveðjur

[Stefán_Jökull]

Allt í besta lagi. Líst vel á nýju tilhögunina.

[gkristjansson]

Hvað með okkur "útlendingana" sem ekki hafa póstnúmer?

[maggragg]

Sæll Guðfinnur. Takk fyrir ábendinguna. Póstnúmer verður valfrjáls reitur þar sem nokkrir notendur hér eru búsettir erlendis og hafa því ekki póstnúmer. Er búin að breyta þessu núna.

[E.Har]

Glæsilegt.

[baikal]

Sæl.

Alveg sjálfsagt mál.

[Jón Pálmason]

Sæll Magnús.

Búinn að gefa upp umbeðnar upplýsingarnar um mig.
Þú mátt staðfesta við mig að þær séu komnar.

Kveðja.

[Veiðimeistarinn]

Þetta er flott hjá þér Magnús og gerir menn sem koma hérna inn meðvitaðri um að hér líðist ekkert me,he kjaftæði.
Vonandi er þetta skref á þeirri leið að allir verði að vera undir nafni ef þeir skrá sig hér inn sem notendur

[EBJ]

Sæll Magnús..

Mínar upplýsingar fóru frá mér í dag ...

HAHA sko það tók mig heilmikil heilabrot áðan að pæla út
hvernig ég gæti hafa öðlast virðingarheitið " Skytta "
Því ekki hafði ég sett það inn sjálfur...Þá fór heilinn í gang eftir Jólin

[Morri]

Þetta er bara hið besta mál

Ég get hinsvegar ekki bætt inn kt. og póstnúmeri. kemur alltaf einhver villa.

[maggragg]

Kt. verður að vera akkurat 10 tölustafir og ekkert bil né bandstrik. Póstnúmer eru aðeins þrír tölustafir.

[Morri]

Forbidden

You don't have permission to access /ucp.php on this server.

Apache Server at spjall.skyttur.is Port 80