Þrif á rifflum - Carbon fouling

[Stebbi Sniper]

Í framhaldi af umræðum sem fóru af stað í púður þræðinum fannst mér rétt að setja í gang þráð um þetta efni, ferkar en að stela þræðunum hans Sveinbjarnar til þess að ræða þetta.

Sindri
Sælir aftur.

Það er ekki nóg að nota Butch og bursta þegar svo er komið að hlaupið er orðið eins og hjá mér og Sigga. Þá er það farið að þrengjast og það eina sem virkar er massi, það sést ekki meðn neinu móti að hlaupið sé skítugt og það er ástæðan fyrir því að ég endaði með hvellhettulausar patrónur v/yfirþrýstings.

Kannski má segja eftir á að bakslagið var komið vel yfir velsæmismörk áður og maður hefði átt að kveikja á perunni þar sem ég var hættur að geta skotið nema 10 skotum liggjandi. Eftir þetta finnst manni bakslagið úr hreinu og eðlilegu hlaupi á 7mm rem mag ekki vera merkilegt.

Sæll Sindri

Var ekki hægt að sjá þetta með Bore Scope? Er þetta vandamál sem var hjá ykkur ekki það sem kallað er Carbon fouling?

Ég las þráð um þetta á accurateshoother.com um daginn þar sem einn náungi sem var með 6,5 x 47 riffil með Kriger hlaupi á. Hann var búinn að skjóta 1200 skotum úr honum þegar nákvæmnin fór að dala verulega.

Sá hafði aldrei notað bursta til að hreinsa riffilinn, heldur bara patch-a. Hann endaði á því að senda riffilinn til byssusmiðs sem talaði einmitt um þetta vandamál með Carbon fouling-u. Set hérna inn linkinn á þráðinn ef einhver hefur áhuga á því að lesa hann, mjög fróðlegur þráður um þetta efni:

http://forum.accurateshooter.com/index. ... =3797064.0

Ég myndi halda að hylki eins og 6,5 x 284 og 7 mm Rem Mag þurfi yfir höfuð meiri þrif en hylki eins og 6,5 x 55, 308 o.fl. Ég er svosem enginn sérfræðingur í þessum þrifa málum, en hef einmitt heyrt að það verði ærið verk að þrífa Carbon foulingu úr hlaupinu ef hún kemst á flug.

Gaman væri að vita hvort einhver vill deila með okkur sinni þekkingu á þessu vandamáli, því ég hef nú bara ekki nógu mikla reynslu til að miðla af sjálfur í sambandi við þetta.

Hvernig virkar þessi Massi sem þið settuð í hlaupið og hvernig fer maður að því að nudda honum í? Er ekki hætta á því að skemma hlaupið með þessu?

[Stebbi Sniper]

Set hérna með líka link á síðuna hjá Krieger þar sem talað er um það hvernig skal bera sig að við þrif og að skjóta inn Chrome Moly og Stainless hlaup. Þess ber þó að geta að þetta er enginn heilagur sannleikur og menn hafa mjög mismunandi aðferðir við þetta.

Aðferð Krieger við þrif og að skjóta inn hlaup

[Veiðimeistarinn]

Ég hef aldrei verið duglegur að þrífa, nota þó koparleysi á svona 50 til 80 skota fresti, hef ekki notað bursta, bara sprautað kvoðunni í hlaupið og látið standa í því svona korter til hálftíma, með riffilinn upp á endann og hlaupið niður, síðan þurrkað úr með pappír eða þessum hefðbundnu litlu ferhyrndu þurrkum.
Arnfinnur benti mér á að ég þyrfti að láta massa riffilinn þegar ég fór að tala um við hann að riffillinn sýndi aukin þrýstingsmerki aðallega hvað bakslag og nákvæmni varðaði, hann sagði að þessi sótmyndun sæist í hlaupsjá, þó hlaupin sýnist glansandi þegar horft er gegn um laupið eins og Sindri lýsti.
Bakslagið hjá mér varð samt ekki eins slæmt og hjá Sindra vegna þess að ég er með hlaupbremsu sem dregur verulega úr bakslaginu og þess vegna áttaði ég mig ekki eins vel á þessu.
Tók meira eftir að hlutföllin í rifflinum rugluðust og riffillinn hoppaði upp að framan í skotinu og ég sá ekki lengur í kíkinum hvar kúlan lenti í bráðinni, auk þess sem nákvæmninni hrakaði verulega.
Þegar Jóhann bóndi massaði riffilinn fyrir mig notaði hann 6 mm koparbursta, vafði utan um hann litlum aflöngum léreftsrenningi og bar slípimassan í léreftið og strauk síðan innan úr hlaupinu, þetta var endurtekið um 10 sinnum.
Hvað um það, riffillinn gekk alveg í endurnýjun lífdaga.

[Sveinbjörn]

Hvaða massa eruð þið að nota?

[sindrisig]

Sælir.

Jú þetta passar hjá þér Stefán, þetta er útfelling sem gengur undir nafninu "carbon fouling". Ég hef nú meiri áhuga á að skjóta úr rifflinum en að þrífa hann, það er ekkert feimnismál. Ætli maður sé ekki að skjóta upp undir 50 skotum úr honum án þrifa. Ég hef nú oftast notað Remington sullið með kúlunni í brúsanum (bore cleaner heitir það víst) til þess að þrífa hann með (það er massi í þeirri olíu) en notaði Butch boreshine í amk. tvö þrif í röð og í beinu framhaldi af því kom þetta upp.

Reyndar segir Arnfinnur að Remington olían sé besta hreinsiefnið, óhætt að skilja leifar af því eftir í hlaupinu án þess að hafa áhrif á það og ekki efast ég um hans orð.

Varðandi "tannkremið" þá heitir þetta sem ég er með "VFG Laufreinigungspaste" og er með öllu skaðlaust. Borið á filttappa sem er vel stífur í (notaði 7,5mm), eða annað hentugt og skrattast á þessu þangað til að átakið við að koma honum í gegn er orðið eins í gegnum allt hlaupið. Gæti alveg tekið 10 stk. að komast á leiðarenda og 10 mínútur með því að skipta um hendi (annars 20).

Annað sem er í þessu er að ef þetta byrjar að safnast í hlaupið þá virðist útfellingin hlaðast mjög hratt upp.

Ég held eftir á að það sem Siggi er að minnast á og ég reyndar einnig á hinum þræðinum er að ef maður fer að tapa skotmarkinu úr sjónaukanum eftir að tekið er í gikkinn, riffillinn farinn að hoppa all hressilega, þurfi alvarlega að skoða hvort þessi útfelling geti verið örsökin.

Þessir hraðfleygu púðubaukar þurfa greinilega aðra umhirðu en gengur og gerist og ég er jafnframt sannfærður um það að 500 púðrið er að reyna meira á dótið en 100 línan.

[Veiðimeistarinn]

Getur ekki verið að carbon fouling sé hluti þess að menn telja upp til hópa að þessir hraðfleygu rifflar séu hlaupbrennarar, menn hafi fengið þessa fouling og ekki reiknað með þessum carbon fouling möguleika.
Það er að það hafi verið komin carbon fouling í hlaupin og þetta hafi ekki verið athugað sem möguleiki, mér finnst eins og þetta sé nýkomið vandamál, allavega hafði ég ekki heyrt af þessu fyrr en síðsta sumar.
Það hefur verið sagt í mín eyru af byssufróðum manni (mjög) að hraði allt upp í 3500 fet hafi sáralítil áhrif á endingu á veiðihlaupi það sé hægt að skjóta úr þeim allt að 12.000 skotum án þass að það komi nokkuð niður á þeirri nákvæmni sem þarf til veiða, kannski svona millimeter einn eða tvo til eða frá, þegar komið er yfir 10.000 skot.
Ég er ekki viss um að veiðimönnum, þó iðnir séu og æfi sig jafnvel mikið, endist æfin til að skjóta 12.000 skotum.

Ég veit að það á allt annað við um markskotfimi eins og bence rest, þar gilda allt aðrar kröfur um nákvæmni og millimetraspursmálið er alls ráðandi og þar eru menn ekki alla jafnan að nota léttar og hraðfleygar kúlur.
Markskyttur eru líka að skjóta mun fleiri skotum en veiðimenn, þegar ég er búinn að taka þátt í tveimur keppnum eins og Refur og Hreinn er ég búinn að skjóta jafn mörgum skotum og heilt ár á veiðum, svo dæmi sé tekið.

Ég sá einhvern tíman eða var sagt frá því að ending riffilhlaupa væri stundum mæld í sekúndum og mig minnir að riffilhlaup entist í 5-7 sekúndur, en það skal skýrt tekið fram að mitt minni er nú ekki til að byggja neinar visindaritgerðir á.
Það er samanlagður tími allra kúlna sem tekur þær að ferðast gegn um hlaupið!

[Gisminn]

Þetta er skemtilegur vínkill og gaman að spekúlera hann aðeins.

[Kristmundur]

Það sem hefur reynst mér best til að leysa upp gjall (carbon fouling) er carburator (spýssa)hreinsir
læt hann liggja í hlaupinu eins lengi og þarf allt frá 10 mín-24 tíma,eg set hann í hlaupið eftir að eg er búin að ná sem mestum kopar úr því. Eg er með riffla sem eru mjög há-þrýstir eins og 224 Clark og 6.5-284 N

[Pálmi]

Sælir

Ég hef þá reglu að massa á 150-200 skota fresti (foringin Finni mælti svo fyrir) Það er víst ekki hægt að ofnota Þennan massa frá Hlað (svo er mér sagt) hann hefur ekki áhrif á málmin í hlaupinu . Þannig að ef menn temja sér áhveðin vinnubrögð í þrifum þá ætti þetta Carbon fáling ekki að vera vandamál . Samt er 6,5x47 hlaupið ónýt eftir 2400 skot, sennilega hitað of mikið of oft .

[Gisminn]

Eitt sem ég er að spá! Við miðum oftast við að liturinn sá blái þegar hann er til staðar er kopar en með hverju hreinsum við hlaupið? Jagga úr kopar og oft burstum við með koparbursta? Er ekki mikið af lit að koma úr hreinsigræjunum sjálfum ?

[Hjölli]

Það kemu væntanlega smá litur af koparburstanum ég held að helstu mistök sem gerð eru
og geta valdi því að carbonfouling mindast er að menn leifa ekki efnum að vinna á sullinu
hreisiefnin þurfa tima til að vinna og nota ekki burstann nægilega lika gott að nota massa
eftir ca 150-200 skot

kv

[Bc3]

Notaru þá bara venjulegan bíla massa a nylonbusta? Og hversu oft helduru þú sért að draga hann i gegn? 30 mín.?

[Halldór Nik]

Það er ágætis umfjöllun um JB inn á Brwonells hérna er línkur fyrir þá sem vilja...
http://www.brownells.com/aspx/learn/lea ... ?lid=13175

Það er einnig hægt að fá annan massa hérna heima en sá nefnist Flitz og er mikið notaður erlendis við hlaupþrif ásamt JB, ég hef notað báða samhliða Kroil til að þrífa og smyrja hlaup.

[sindrisig]

Sælir og gleðilegt árið.

Mér sýnist sem flest ef ekki allt hafi komið fram hérna og í hlekkjunum sem fylgja sumum athugasemdunum og lítið við þetta að bæta.

Einhver spurði um hvaða efni væru í þessum massa og ég er nokkuð viss um að þau eru hin sömu og í tannkremi og það myndi duga eitt og sér til þess að massa þetta úr. Eina spurningamerkið er hversu fínann massa þarf að nota og hversu fínn hann er í tannkreminu.

Annars er örugglega auðsótt að fá leiðbeiningar hjá aðilum eins og Arnfinni, Jóhanni Viljálms eða Agnari.

Smá viðbót, það finnst alveg þegar troðið er í gegnum hlaupið hvenær fyrirstöðunni léttir. Massa þangað til allt er jafn auðvellt.

[Jón Pálmason]

Sælir/ar.

Gaman af þessari umræðu. Þrifum, efnum, hlauphita, hlaupendingu, nákvæmni og fl.
Hvernig var þetta hér áður fyrr?
Hvernig hittu menn?
Voru betri/verri efni í hlaupum/vopnum?
Betri eða lélegri skyttur?

Í dag kvarta sumir yfir því að þurfa að skjóta og hitta í 14 cm. hring, 5 skotum á 5 mínútum:)

Fljótlega eftir aldamótin 1900 þjálfuðu breskar riffilskyttur sig í því sem þeir kölluðu Mad Minute með Lee Enfield eða Lee Metford boltalás rifflum. Þeir áttu að hitta 15 skotum í hring sem var 12 tommu stór. Færið var 300 yd, þe. 274,3 metrar. Margir náðu þeirri færni að hitta 30+ á þeirri 1 mínútu sem þeir höfðu til umráða. Samkv. Wikipedia var metið sett árið 1914 af Sergeant Instructor Alfred Snoxall. Hann hitti 38 skotum í hringinn. Ekki kemur fram hvað hann skaut mörgum skotum á markið. Hann hefur vafalaust notað það sem er kallað clip loaded Lee Enfield til verksins.
Fyrir þá sem hafa áhuga, þá er öðru hvoru keppt í þessu ennþá í Bretlandi.
Bara að láta skrá sig:)

[sindrisig]

Sæll.

Góð ábending Jón. Hef séð svona mót fara fram, á netinu og það er greinilega mikið í gangi þegar á reynir.

Svo tala menn um að það þurfi kíki til að fella hreindýr.... (hættuleg umræða).

Kveðja að austan.

[Jón Pálmason]

Sæll Sindri.

Jú, þetta er hættuleg umræða:)
En jú bara sett inn til fróðleiks og gamans.