7mm pælingar

[RHM001]

Sæl öllsömul.

Ég vil byrja á því að þakka fyrir skemmtilegt og fróðlegt spjall.

Long story short... ég er búinn að eiga nokkra riffla í ýmsum hlaupvíddum og er búinn að komast að þeirri niðurstöðu að mig langar í léttann veiðiriffil með möguleika á 1000m skotum.
Eftir að hafa skoðað nokkrar kúlur sem henta bæði í veiðiskap og skotfimi á löngum færum þá held ég að 7mm Berger 168gn hunting vld kúlurnar séu málið.

Pælingarnar eru baukurinn... Það eru til nokkuð mörg hylki sem ég gæti notað í þetta. Það sem ég hef verið að spá í er 7mm rem mag, 7mm wsm, 7/300wsm, 280rem eða 280rem AI og síðan 284win eða 284 shehane.

Það sem mig langaði að vita er hvort einhver inná þessu spjalli hafi einhverja reynslu af þessum cal. á löngum færum?

Svona til gamans þá er þetta uppskriftin af rifflinum

-Pierce titan lás, titan recoil lug og titan picatinny rail (allt til að spara vigt) http://www.pierceengineeringltd.com/cat ... um-action/
-Broughton 5C 9twist #5 contour 26" hlaup með djúpum flútum og breiki http://www.rifle-barrels.net/
-McMillan HTG skepti með stillanlegum kinnpúða, þeir segjast geta sett eitthvað Edge technology fill i þetta skepti sem létti það heilann helling. http://www.mcmfamily.com/mcmillan-stock ... =branch2d/
-Jewell gikkur, Badger hringir og Badger Bdl bottom metal, Wyatt mag box, Nightforce sjónauki.

[maggragg]

Ég hef alltaf verið heitastur fyrir .284Win eða .284 Shehane í 7mm hylkjunum...

[E.Har]

ok þetta er áhugaverð pæling.

Hvaða baukur

280 rem er bygt á 30-06
284 win er auðvitað 284 baukur
Og svo Vsm.
Síðan má auðvitað bæta við 7-08

Spurningin er auðvitað hve hratt þú ætlar að skjóta þessu.
Persónulega er ég ekki hrifin af 30,06 en kannski shehane Ai en samt ekki minn tebolli.
Margir að vísu mjög hrifnir af 25-06 Ai þessa dagana, enda áhugavert.
7-08 er nákvæmt eins og allt byggt á þessu 308 hylki en pínu hægt.
284 er auðvitað klassiskt en kannski lítill baukur fyrir þessa kúlu. Kannski má Ai það einhvað!

Þá er eftir Wsm. Auðvitað er ég pinu hlutdrægur en er með 300 wsm
Stór baukur, stuttur lás, nýlegt hylki með bröttum öxlum.
Búið að setja met nýlega ( var það ekki Breti með 7- 300 wsm)
Ættir geta gert gríðarlega flatan rifil. Ég prófaði 125 g balltipp á 3600 fetum ur 300 wsm.
Munurinn á 7-300 wsm og 7 wsm var bar hálslengd, hugsa ég færi í 7 mm wsm

Held að Finni eigi rymer allavega í 6,5 wsm ég var að pæla í svoleiðis!


En hér eru mikklu meiri rifflanördar en ég.
Svo er það altaf spurning með hv hratt á að skjóta hleðslu úr léttum veiðiriffli
Persónulega er mér sama um hlaupslit á veiðirifflum.
Ef maður nær að slíta þeim á æfinni þá bara skipta um það.

Soldið eins og velja jeppa og setja hann ekki á nothæf dekk því þau slitna
Min 2 cent

[Stebbi Sniper]

Af hraðfleygum 7 mm caliberum þá myndi ég taka 7mm STW allan daginn og alla daga. Þetta hylki brennir samt alveg heilum helvítis helling af púðri og hraðinn er líka í samræmi við það. Ég tæki líka aðeins sverara hlaup og bremsu á það, en það er náttúrulega bara personulegt mat hvers og eins. Mjög léttur 7 STW bankar náttúrulega nokkuð hressilega.

Mér sýnist að þú sért ekki að fara að spara neitt í þetta, þannig að útkoman verður örugglega mjög áhugaverð. Leyfðu okkur að fylgjast með þessu hjá þér þegar þú klárar þetta og hvaða cal þú velur. Þetta er mjög svo spennandi long range setup hjá þér.

Personulega er ég samt hrifnari af 6,5. En ég hef nú ekki mikla reynslu til þess að miðla af miðað við marga hér. Hjörleifur Hilmars (Hjölli) og Kristján á Húsavík (KRA) eru búnnir að eiga nokkra riffla, bara svona til að nefna eitthverja og svo er náttúrulega einfalt að hringja í Finna eða heimsækja hann í skúrinn.

Ég veit að Kristján á eða átti 7 STW, Finni á allavega 1 ef ekki 2 og Siggi í Hlað á líka 7 STW. Mér sýnist að þú vitir líka nokkurnveginn hvað þú vilt í þessu... Ég hlakka til að sjá þessa græju í action!

[kra]

Ég á 7mm STW sem Finni setti saman, Krieger hlaup, Jewell gikkur, stiller lás, Mcmillan A5 skepti og toppaður með Zeiss 6-24x72 . Nota 140gn kúlur sem eru að fara vel á fjórða þúsundinu fram úr hlaupinu sem dugar vel til að stoppa allt. Mjög flatur ferill. En tekur reyndar um 80gn í hylkið

Það er ekki gott að mæta slíkri kúli á eins og viðkomandi fékk að finna..Kom hlaupandi beint á mig og skotinn á skokkinu á um 100 mtr. nánast klofinn eftir endilöngu.

Þessi er ekki falur

[Spíri]

Kristján, þetta er rosalegur riffill sem þú ert með virkilega eigulegur, hvernig kúlu notaðir þú á þetta hrúgald sem er undir rifflinum á myndinni?

[kra]

Nosler BT 140gn 80gn N165

[Sveinbjörn]

Velkominn á spjallið Jóel. Long story short...
Það er ýmislegt sem bendir til þess að við séum að fara aftur í tíma þegar kemur að möguleikum okkar skotmanna til að afla okkur það sem hugurinn girnist. Allt flotta dótið fæst í Ameríkuhrepp og það er eins og þeir séu í fýlu út í umheiminn og þeir sem ekki eru innanlands eru varasamir.

Í þeim verslunum sem ég þekki til í eru innkaup að færast frá endursöluaðilum og yfir til framleiðenda. Við það lækkar þjónustustig því að þegar pantað er frá endursöluaðila þá er hægt að kaupa inn minna magn og úrval verður breiðara í verslunum hérlendis. Það virðist vera flókið og dýrt ferli fyrir endursöluaðila í USA að senda út fyrir hreppinn. Þeir nenna því ekki og við eru svo fáir að það svarar ekki kostnaði.
Úrræða góðir skotmenn hafa haft ýmis ráð til að nálgast það sem þeim vanhagar um eftir öðrum leiðum frá Ameríkuhrepp. Væntanlega breytist það ekkert og menn finna sér farveg til að nálgast það sem hugurinn girnist

Þegar verslað er inn frá framleiðanda þá er krafa um ákveðið lámarks magn og vara ekki seld í stykkjatali. Það þarf að panta kassa eða karton sem gerir það að verkum að innkaupamenn sem kunna á Exel segja nei við karlinn á gólfinu
Fyrir nokkrum vikum reyndi ég að finna 7mm STW hylki. Það er ekki í boði hjá Hornady og sömu sögu að segja af Remington, Winchester, Sako. Remington hefur framleitt bæði skot og hylki í 7MM STW og sjálfsagt eiga þeir eftir að gera það aftur.

Oftar en ekki er framleitt upp í pantanir og nú fer ég að koma að kjarna málsins.

Ef þú velur þér hylki sem er á jaðrinum skaltu fyrst tryggja þér nægar byrgðir af hylkjum. Svo skaltu láta smíða gripinn. Að sjálfssögðu má forma ýmis hylki til úr öðru svipuðu og þarf þá að huga að þykkt á háls og kannski einhverju öðru.

Ég vænti þess að þú takir þessum pistli ekki sem úrtölum heldur er ég einfaldlega að lýsa þeim veruleika sem ég er að upplifa þessa daganna. Það verður áhugavert að sjá hvert þessar pælingar þínar leiða til og hafðu bestu skemmtun af.

[oskararn]

Takk fyrir þessi orð Sveinbjörn.
Þarna lýsir þú nákvæmlega minni nýlegu upplifun eftir nokkuð langa viðskiptasögu við Ameríkuhrepp.
Það þrengir að möguleikum okkar og versnar trúlega enn í framhaldinu.
Baráttan er til að sigrast á, eða tapa!

[RHM001]

Það er eitthvað við 7stw sem er ekki að kveikja áhuga en ég er farinn að verða ansi heitur fyrir 7mm wsm eða 7mm/300 wsm.

Hvað varðar 284win og shehane þá er ég búinn að strika það út þar sem þessir hraðar 2900fet+ sem eru gefnir upp á netinu eru allir úr rifflum með 32"+ hlaup... ég kem aldrei til með að fá mér veiðiriffil með 32" hlaupi.

Sveinbjörn, takk fyrir þetta innlegg. Ég hef aðeins kynnst því líka að versla dót úr ameríku.. það tók mig t.d. ár að fá hlaupið en ég slapp við allt útflutnings ameríku bull, pappírsvinnu og kostnað sem þessu fylgir. Það á líka við um lásinn sem ég er reyndar ekki búinn að kaupa en ég er búinn að finna leið fyrir hann líka. Ég er svosem tilbúinn að leggja það á mig að breyta hylkjum í þessi wsm cal þar sem norma framleiðir gott brass sem ég get notað.

Kristján, þetta er ansi flottur riffill sem þú ert með þarna. Ég er með nokkrar spurningar fyrir þig. Hvað er þetta combo þungt ? Hvaða twist, contour og lengd er á hlaupinu ? hefur þú verið að skjóta 160-180gn kúlum úr þessum riffli og á hvað miklum hraða þá ?

[kra]

Minn er með 27" hlaupi og með 1:11 twisti minnir mig allavega settur upp af Finna mv að nota 140gn kúluna. Nei hef ekki prufað að neinu viti aðrar kúlur.