Endurhelðsla 6.5 x 55 SE

[Björn R.]

Góðan daginn.
Hitti i gær mann sem virtist vita meira en margur um riffla. Þegar ég tjáði honum að ég væri að spá í annaðhvort ofangreint kal eða .308 sagðist hann sjálfur vera með 6,5 x 55 og vera ánægður með það. Hins vegar tjáði hann mér að ég þyrfti helst hlaða þau skot sjálfur eða fá það gert. Ástæða? jú mikið af gömlum herrifflum ku vera í notkun á Norðurlöndunum og vegna aldurs þeirra væru verksmiðju skot höfð frekar í aumari kantinum eins og hann orðaði það.

Vitið þið hvort að þetta er tilfellið? Til að gæta sannmælis sagði þessi maður að verksmiðjuframleidd 6.5 x 55 væru vel brúkleg en menn vildu almennt hafa hleðsluna þyngri, sérstaklega á hreindýraveiðum.

Nú sel ég þetta ekki dýrara en ég keypti það en gaman væri að heyra ykkar álit.

Með kveðju
Björn R.

[Sveinn]

Örugglega eitthvað til í því. Norma er þó með ágæt skot í þetta cal en best er að hlaða sjálfur eða láta Hlað gera það fyrir sig, bæði ódýrara og betri (heitari) hleðslur.

Kíktu á þennan þráð (og komment fyrir og eftir):
http://spjall.skyttur.is/endurhledsla/q ... html#p3429

[Sveinbjörn]

http://www.ballisticstudies.com/Knowled ... .5x55.html

Hér er ágætis samantekt á 6,5x55 hylkinu fyrir þá sem hafa ekkert betra að gera á laugardagskvöldi en að hanga á netinu.

En varðandi þínar pælingar þá er farið að tala um 6,5x55 SKAN. og er það eingöngu notað í vandaða riffla sem standast kröfur dagsins í dag. Gott dæmi um það er hér. Sama cal. og 6,5x55 Mauser.

http://www.lapua.com/en/products/reload ... odata/5/98

Svo er það nú svo að 6,5x55 er búinn að sanna sitt ágæti og stór hluti manna notar verksmiðjuskot með góðum árangri.
Það er ekki alveg sjálfgefið að góðir veiðimenn hafi áhuga á hleðslum og twisti. Hvort að grúppan sé ein eða hálftomma á hundrað metrum.
Því er einfaldlega þannig háttað að sumir hafa gaman að því að veiða og hafa hæfileika til þess að komast að bráð og skapa sér aðstæður sem leiða til vel heppnaðra veiði.
Gott dæmi um það er maður sem ég var stundum með á grenjum og átti hann það til að segja.
Svenni vertu hér á þessum hól og svo var hann hlaupinn af stað. Stundum gátu liðið klukkutímar þar til hvellurinn kom. Alltaf með viðeigandi árangri og viðkomandi vissi lítið um hleðslur og ekkert um twist. Auk þess var honum alveg saman hvað það voru mörg grain af púðri. Hann er fæddur veiðimaður.

[karlguðna]

Sælir drengir, seg þú mér Sveinbjörn er þá 6,5x55 skan í t.d. nýjum 6,5x55 TIKA riffli ??

[Sveinbjörn]

Já það er nú það Karl. Það eina sem ég get ráðlagt þér er að fara eftir upplýsingum sem ábyrgir aðilar setja fram. Í þess tilfelli framleiðendur á púðri og veiðirifflum.
Þetta er svona eins og þjóðfélagið er að stefna í.

Það sem ekki er leyft er bannað.

Ég geri fastlega ráð fyrir að þú sért að leita eftir skýrari svari en því miður verður það ekki betra með þessum mannskap

[oliar]

Allir nýir/nýrri riflar þola það sem gefið er upp fyrir 6.5x55 Skan enda allir gefnir upp til að þola 380 MPa.
T.d. á heimasíðu Lapua pá er sér kafli um 6.5x55 SKAN of ef grannt er skoðað þá eru kúlurnar sem gefnar eru upp þar eingöngu keppiskúlur sem allavega eru notaðar í skotkeppnum í Skandnavíu og þaðan kemur líklega skan...... Það er skýrt tekið fram að þessar hleðslur eiga ekki við gömlu herrifflana (Krag- Jörgensen og Mauser 1896 og fleiri þess háttar, það eru til sér hleðsluupplýsingar fyrir þá, en reyndar ekki á Lapua.com).

Einnig er það sér kafli fyrir nýrri 6.5x55 SE og sums staðar er notað 6.5x55 Mauser og er þá yfirleitt miðað við 6.5x55 SE. Með tímanum verður manni ljóst hvað er gert fyrir hvaða "aldursflokk" og upplýsingar um hleðslur í nýrri 6.5x55 SE eru mjög víða til og aðgengilegar.....eins og td.
6.5x55 SE
http://www.lapua.com/en/products/reload ... odata/5/56
og 6.5x55 SKAN (Sem miðar við Sauer STR200 enda algengasti keppnisriffillinn í skandinavíu)
http://www.lapua.com/en/products/reload ... odata/5/98

Hins vegar eru flest verksmiðjuskot, allavega Evrópsk að uppruna í 6.5x55 hlaðinn miðað við nútíma riffla og eru menn ekki á neinn hátt með eitthvað "prump" sem varla kemst útúr hlaupi.
Hins vegar hef ég aldrei skotið verksmiðjuskotum úr mínum 6.5x55,en þekki nokkra sem það hafa gert með fínum árangri, en þannig var að ég var kominn á kaf í endurhleðslu þegar ég eignaðist Tikkuna mína og fannst eðlilegt að fara beint í að þróa hleðslur fyrir hana í stað þess að kaupa tilbúin skot.

[Björn R.]

Takk fyrir þetta allir. Greinilegt að maður kemur ekki að tómum kofanum hér.

Með kveðju

[Gisminn]

en af sama toga hvað er twistið í þessun mauserum í 6 5x55 sem verið er að selja hér er mögulega að fara að hlaða í einn svoleiðis og eru ekki 140 graina kúlurnar fínar í þá ?

[oliar]

Þeir eru flestir frá 1/7.5 til 1/8.25 ef ég man rétt. Þá eru 140 grain flott .
Ef twistið fer yfir 1/9 þá þarf þú léttari kúlur.......

[Gisminn]

Takk fyrir þetta

[iceboy]

Óli þú segir að ef twistið fer yfir 1/9 þá þarf léttari kúlur, en hvernig eru þá léttari kúlur að koma út almennt í þessum mauserum? t.d 120-125 gr kúlur, fara þeir sæmilega með þær?

[oliar]

Sæll Árnmar. Það eina sem ég hef lesið, mér til um án þess að hafa einhverja reynslu af Mauserum, þá komu þeir flestir með hraðara twisti en 1/8.5 og hafa flestir verið ánægðir með 140 og 142 grain í þá, en las grein um daginn sem sagði að þeir findust líka í 1/9 og þyrftu þá eitthvað léttari kúlur. Sel það ekki dýrara en ég keypti það.
Reyndar er Tikkan mín með 1/8 og henni er nokk sama hvaða kúlu ég er með allt frá 95 grain uppí 156 grain (reyndar fyrir utan Norma 120 grain FMJ). Hins vegar eru hún ekki eins viðkvæm fyrir fyrir hvaða púður og hvaða hleðsla er undir þyngri kúlunum (+140 gain) á meðan léttari kúlurnar eiga flestar sína uppáhaldshleðslu og uppáhaldspúður............

[Kristmundur]

Eg er með bæði Sænskan 1896 Mauser og þann Danska sem Hlað er að selja, báðir eru með 8" twisti
Sá Sænski er í 6.5x55 en hinum er búið að breyta í 6.5-284 þeir eru báðir að skjóta mjög vel með 140 Amax sá Sænski er þó heldur nákvæmari eins og sést á meðfylgjandi skífu

[Gisminn]

Sá gripinn aðeins í kvöld og það stóð á honum 1934 og takk fyrir hugmyndina að kúlu

[Gisminn]

Jæja þannig fór um sjóferð þá það var skoðað hlaupið að innan í mauser í kvöld með hlaupsjá og því miður er það bara ónýtt.Mikið carbon mikil tæring og ryð en þá leita ég til ykkar sem þekkið og kannski eigið hlaup í 6,5x55 sem hægt er að setja á svona grip fyrir þennan félaga.

[Kristmundur]

Rabbaðu við Arnfinn, hann gæti legið með hlaup af Mauser.

[Gisminn]

Takk held að félaginn hafi reddað hlaupi hjá Hlað

[Gisminn]

Passaði hann er komin með hlaup frá hlað en það er með 9 twisti svo spurningin er þarf ég ekki að herða dálítið á kúluni frá 8 twisti og lumar einhver að góðri hugmynd að kúlu og hleðslu.
væri ekki verra ef hún sé frá Hornady

[sindrisig]

Hlaupið ónýtt?

Massaðu það, láttu skoða það aftur og vittu hvort það sé ekki óhætt að prófa að skjóta úr því. Það er ekkert víst að það sé ónýtt þó það hafi munað sinn fífil fegurri! Á sjálfur riffil með "ónýtu" hlaupi, get nú samt staðist skotprófið með honum á opnum sigtum.

[Gisminn]

Við gerðum það einmitt og ég held að kúlan hafi spólað á sumum stöðum þar sem rillurnar voru bara ekki lengur til staðar og það var sakaleg bletta og tæringarmyndun á öllum stöðum því miður