Harka kúlna fyrir .22lr

[Baldvin]

Þetta er kannski ekki alveg spurning um endurhleðslu en þó skylt.

Er einhversstaðar hægt að nálgast upplýsingar um hörku kúlna í mismunandi .22lr skotfærum?

Ástæðan fyrir því að ég spyr er að ég er með riffil með túbumagasíni og ég hef tekið eftir því að óskotnar kúlur koma marðar út úr magasíninu, sem hlýtur að skerða nákvæmni verulega (enda munar miklu um nákvæmni á rifflinum hversu varlega ég hleð hann).

Ég hef verið að nota Lapua Club skot í hann og var semsagt að velta fyrir mér hvort hægt sé að fletta upp einhversstaðar hvort einhverjar kúlur séu harðari en aðrar í þessu dóti. Eins ef þið vitið um einhver standard velocity skot með koparhúðuðum kúlum eða kúlum flötum að framan eða svoleiðis eitthvað.

takk fyrir,

[Baldvin]

Ég trúi því varla að enginn hafi neitt að segja um þetta ...

[Bc3]

er ekki málið að kíkja með hann til byssusmiðs frekar og lata hann kíkja á þetta þvi þetta getur ekki verið neitt annað en vandamal, trúi ekki að rifillin sé svona illa smíðaður.

[skepnan]

Sæll Baldvin, ég veit algerlega ekkert um hörku skota en ég mundi eftir því að Veiðihornið var með flöt skot á vefsíðunni hjá sér:
http://www.veidimadurinn.is/Default.asp ... 42&vID=835
Þau eru reyndar hraðari en standard. Vonandi duga þessi fyrir þig.
En heimasíður t.d. CCI er ekkert þar að finna?

Kveðja Keli

[Baldvin]

Takk fyrir þetta strákar. Ég vil síður setja hraðari skot en standard í riffilinn því að bæði er hann gamall og ég veit ekki hvað hann þolir og svo er ég að skjóta innanhúss þar sem hraðari skot eru illa séð.

Jú, það er möguleiki að fara með hann til byssusmiðs og láta skoða hann en ég held reyndar að þetta sé bara hönnunargalli. Til að hlaða riffilinn þarf að taka followerinn alveg úr magasíninu og troða honum svo á eftir skotunum. Ég veit reyndar ekki hvort það er bara hleðsuferlið eða bakslagið líka sem fer svona með skotin.

[Bc3]

Hvernig rifill er þetta?

[Baldvin]

Marlin Model 99. Útlitslega eftirherma af M1 Carbine.

[Bc3]

Viltu ekki bara selja hann eins og hann er?

[Baldvin]

Nei, nýbúinn að fá hann í hendurnar og var að kaupa nýjan bakslagsgorm og stuðpúða að utan til að reyna að hressa hann aðeins við. Ég vonast til að hann geti verið nokkuð góður í silhouettuna.