Hvernig byssutösku ert þú með?

[Árni]

Langaði að spyrjast um hvernig byssutöskur menn eru með og hvernig þeim líkar.

Er þess virði að splæsa í Pelican töskur eða láta Flugkistur sérsmíða tösku?

Er eins og er með svona hefðbundna sem kostar ca 10þ en riffillinn rétt svo passar í hana og hugsa ég oft að ef ég myndi missa töskuna þá er hún nú sama sem engin vörn þar sem hann fyllir alveg uppí hana frá skeptisenda til hlaupenda.

Veit að maður ætti svosem ekki að spara í að kaupa góða tösku til að verja græju sem er rándýr en það svíður samt fullmikið finnst mér.

Vita menn kannski um góða og rúmgóðar töskur á skikkanlegu verði hér á klakanum?

[kra]

Er með eina PELI frá ljósmyndavörum. algjör snilld.
Og er að fá auka svampa til að skera ut fyrir fleiri rifflum í töskuna.
Ekki annað hægt en að mæla með þessari

[Árni]

Ertu að panta svampa að utan eða færðu þá í listadún kannski?

[Gísli Snæ]

Stutta svarið er "Ekki nógu góðar". Ný taska er ansi ofarlega á innkaupalistanum. Ætla að skoða þessar í Cabelas í sept.

http://www.cabelas.com/product/Shooting ... t104368680

[Baldvin]

Ég er nú sjálfur bara með mjúka poka, en hef verið að velta þessu soldið fyrir mér. Hef ekki tímt að kaupa mér harða tösku ennþá.

En sá eina hjá Vesturröst sem virðist nokkuð vegleg. http://www.vesturrost.is/?p=7429 Hálfvirði á við Peli. Ég skal ekkert segja um gæða mun.

[kra]

Fæ aukasvampinn Frá ljósmyndavörum

[Siggi Kári]

Er með svona Peli tösku. Þetta eru mjög góðar töskur en kosta sitt og eru ekkert fyrirferðar litlar, en kosturinn er að það má rigna eldi og brennistein og það er allt í lægi með innihandið.
Það komast fyrir tvær byssur og flest allt sem þarf til veiða, td mjög gott í léttabáta og þvíumlegt þegar ferða mátinn er óblíður að veiðislóð.

[KarlJ]

Sælir,

Kristján eða Siggi Kári er peli 1700( þessi einfalda)of stutt fyrir hefðbundin veiðiriffil?

kv. Kalli.

[Árni]

Ég fékk mér Peli 1750, 1700 var of stutt.
Ég hefði fengið mér Boyt töskuna í Vesturröst ef hún hefði passað (Hann hefði reyndar komist fyrir en lítið rúm fyrir annað), einhverra hluta vegna virðist riffillinn sem mig vantaði tösku fyrir eitthvað voða stór miðað við töskur á markaðnum amk, hlaupið er 26", en spurning hvort þessi GRS skepti séu svona stór?

[E.Har]

Nokkrar
haglabyssur bara einhvað mjúkt utan um automata!
Browning tvihleypa loksinns kominn í Browning tösku á einhverja aðra tvíhleyputösku sem ekki er notuð.

Rifflar, 2 plastdót sem svona sleppa alveg, mest notað f. 22
Mjúka Neverlost úr hlað sem ég er ánægður með.
Passar f. aukahlaup og nokkra skotapakka krassa ofl utan á hana. Myndi fá mér aðra ef hún tapaðist.
Skajalataska fyrir sundurtekinn riffil 2 hlaup 2 sjónauka, svona til að taka í flug.

[Siggi Kári]

Taskan er Peli 1750 og 128 cm að innanmáli.

[maggragg]

Ég er með mjúkan drag-bag fyrir minn riffill.

Þurfti að leita sérstaklega að tösku sem riffillinn passaði í og endaði í Tacforce STRYKER drag system en taskan er 52" að lengd, en riffillinn passar akkurat í hana og má ekki vera lengri.

Pláss er fyrir hreinsistöng og tvö góð hólf utan á töskunni og eitt innaná fyrir hreinsidót. Einnig eru axlarólar til að setja töskuna á bakið og mittisól. Er virkilega sáttur við töskuna og ver hún riffilinn mjög vel en er samt mjúk svo hægt er að draga hana með sér.


Mín taska er græn

[Dui Sigurdsson]

Riffiltöskurnar sem ég er með saumaði ég sjálfur og er stærri taskan hönnuð til að passa beint ofan í Pelican 1750, ef ég væri mikið að ferðast út á land með rifflana þá myndi ég versla Pelican, en þar sem ég er sama sem ekkert að flakka með þá, þá hef ég látið það eiga sig.... í bili.

Fyrir halgabyssurnar er ég með harðatösku sem fylgdi Marocchi og svo soft camo fyrir rem870/win1200