Ég ásamt örfáum öðrum skotveiðimönnum sótti um hreindýraveiðileyfi nú í vor þegar ráðherra og UST náðarsamlegast ákváðu kvótann nokkrum mánuðum of seint enn og aftur. Ekki var ég dreginn út en var þrítugasti á biðlista og hafði því ekki of bjartar vonir um að fá dýr, en viti menn ég fékk tölvupóst og varð að láta vita innan viku (smá munur á umhugsunartíma). Ég tók því.
Þá þegar og eftir það hafa allir tölvupóstarnir snúist um það að ef ég tek ekki próf, borga ekki fyrir mánaðamót, læt ekki vita strax eða hitt og þetta og nokkrir póstar um það að það sé ekki örugt að borga á eindaga þann 1.júlí. Annars missi ég dýrið.
Enga fékk ég senda staðfestingu né kvittun þegar ég borgaði staðfestingargjaldið.
Núna er ég búinn að standast skotprófið, greiða greiðsluseðilinn í heimabankanum og núna er ég mikið að velta því fyrir mér hvort að ég sé að fara að veiða hreindýr í haust eða ekki.
Þegar ég kaupi vöru eða veiðileyfi hjá öðrum eins og Strengjum, Lax-á, Stangó eða hverjum sem er þá fæ ég KVITTUN um leið
Enga hef ég fengið staðfestingu né kvittun á því að ég hafi keypt þessa vöru af þeim, enga-ekki múkk!!
Á vefnum hjá UST sem að snýr að hreindýrum eru linkar inn á t.d. Reglugerð um stjórn hreindýraveiða.
Þar stendur meðal annars: Umhverfisstofnun setur sér starfsreglur sem skulu vera almenningi aðgengilegar.
Nú er ég búinn að leita dyrum og dyngjum að því hvort að ég eigi ekki að fá kvittun fyrir kaupum á vöru sem að ég er þegar búinn að greiða fyrir, á vef UST en er engu nær.
Fá gædarnir bara lista yfir alla þá sem að hafa greitt leyfið og merkin sem að ég hef heyrt um en get ekki lesið um á vefnum hjá UST? Þarf ég bara að bóka gæd og vona það besta eða er UST svona dauðyflis hægt að afgreiða þá vöru sem að hún selur???
#Umhverfisstofnun setur sér starfsreglur sem skulu vera almenningi aðgengilegar.#
Já einmitt mín reynsla af téðri stofnun
Kveðja Keli
)
|
Ég sef þá rólegur fram að næstu uppfærslu (hvenær sem hún verður).
