Veiði dagsins 2015

[Veiðimeistarinn]

Jæja, sagði Baddi ekki eitthvað á þessa leið forðum ,,Nú er ég kominn aftur á þessa djöflaeyju"
Talandi um að vera kominn aftur á sama stað, þá er hreindýraveiðitímabilið að byrja eina ferðina enn í dag, nú má veiða tarfa frá og með 15. julí, svona ef menn hér a spjallinu hafa ekki frétt það
Það er þoka í fjöllum hér eystra í dag þannig að útlitið er ekkert sérstakt, þess vegna verður varla horft til fjallanna eins og stendur skrifað í bókinni góðu, nánar tiltekið í Davíðssálmum ,,Hefjum augu vor til fjallanna" og svo framvegis,
Ég stefni engu að síður til veiða á svæði 3 í dag, með innmúruðum Borgfirðingum, sko, einu sinni Borgfirðingur (eystri) alltaf Borgfirðingur
Ég mun hefja augu mín yfir Eyjuna á leiðinni niðureftir, annars liggur leiðin sennilega til Loðmundarfjarðar, vegna þess að til þess hef ég augun til að sjá hreindýr með þeim þessa dagana

[gylfisig]

Verður maður bara ekki ad setja læk á þetta
Held það nu barasta.

[Tf-Óli]

Ég set allavegana læk á þetta í ljósi þess að þetta var helvíti góður dagur hjá okkur Sigurði.

[Veiðimeistarinn]

Fyrsti veiðidagurinn gekk vel og vonum framar miðað við veður, þokan í Loðmundafirði lá niður fyrir miðjar hlíðar en dýrin voru það líka sem betur fer.
Við sáum 100 til 200 dýra hjörð ofan við Klypsstað og Ólafur Águst Stefánsson náði að fella tarf neðst á Norðdal, það var að vísu ekki sá stærsti, hann náði ekki 75 kg. en góður mat tarfur enga að síður.
Ólafur notaði Tikka T3 veiðiriffil cal. 6,5-284 hlaðinn 123 gr. A-Max kúlu og færið var 297 metrar.
Já, alveg mátulega langt fyrir Vaðbrekku kaliberið, hreint lungnaskot frábærlega gert.
Allt klárt og komið í bílinn fyrir kl: 15:00 og ekið sem leið lá úr Loðmundarfirði yfir í Borgarfjörð eystri um Húsavík, í kaffi og spari te, hitað á Sóló vélinni í ekta katli, í Gamla Jörfa, verulega notarlegt, já það hríslaðist um mig nostalglýgjan
Takk fyrir frábæran dag feðgar og frændi

[Veiðimeistarinn]

Það var svæði 7 í dag, heillin.
Fór með spjallverjunum Andra Frey og Óskari Andra á svæði 7.
Byrjuðum á að fara jepparúnt inn af Markhrygg inn í Leirdal,Ódáðavötn og Brattháls, ekkert að sjá þar nema 6 kýr og 4 kálfar yst í Bratthálsinum.
Fórum því næst yfir á Búlandsdal það sem við hittum Ástvald Erlingsson gæd sem sagði okkur hvert dýrin hefðu farið.
Því næst fórum við í heljar göngutúr og náðum loks að fella tarfana inni undir Jökulbotnum alveg upp við kletta.
Þar felldu þeir sinn tarfinn hvor Andri með Blaser R8 cal 6XC hann notaði 105 gr. Scenar kúlu og færið var 148 metrar.
Óskar notaði Sako 75 cal. 6,5x55 hann notaði 136 gr. Scenar L kúlu og færið var 150 metrar.

[grimurl]

Til hamingju Andrar tveir!
Langar að vita hvernig Scenar kúlurnar komu út hjá ykkur, hvar hittuð þið tarfinn,dó hann á staðnum,þurfti annað skot,hvernig var inn og útsár, kjötsmemmdir? ....
Mundið þið nota sömu kúlu aftur?

Grímur

[Freysgodi]

Það var gaman að fylgjast með veiðimeistaranum ásamt fríðu föruneyti athafna sig þarna í Búlandsdalnum - ég var með Ástvaldi og höfðum við nýlega fellt okkar dýr þegar þá félaga bar að garði. Höfðum þó ekki nennu til að fylgjast með veiðunum til enda.

Kveðja

J ó n V a l g e i r s s o n

[Haglari]

Til hamingju Andrar tveir!
Langar að vita hvernig Scenar kúlurnar komu út hjá ykkur, hvar hittuð þið tarfinn,dó hann á staðnum,þurfti annað skot,hvernig var inn og útsár, kjötsmemmdir? ....
Mundið þið nota sömu kúlu aftur?

Grímur

Ég fyrir mitt leyti nota Scenarinn hiklaust aftur. Þessi kúla hefur bara verið að koma vel út hjá mér hvort sem það er á pappír eða veiðar. Ég tók bógskot, tarfurinn sneri sér eitthvað og hneig niður 1-2m frá þeim stað sem hann stóð. Tarfurinn hans Andra var með þrjósku sem gerist nú stundum ef dýrin vilja ekki gefa sig. Skotið var gott og hitti vel en hann fékk sér smá göngutúr áður en hann lagðist niður. Þá fékk hann eitt bakvið eyrað og ekki söguna meir. Það tók tvo daga að koma dýrunum niður til byggða, það er fullt af myndum til og veiðisaga verður skrifuð... en ég er ennþá á ferðalagi og verð alveg til 26 júlí þannig að það verður kanski smá bið. Það er rétt að þakka veiðimeistaranum fyrir vel unnið verk! Maður lærði mikið af því að fara með svona snillingi á fjöll!

[Jón Hávarður]

Flottir tarfar, til hamingju. Smá forvitni, hvað vigtuðu þeir og var slegið mælingu á krúnurnar?

[Veiðimeistarinn]

Tarfurinn hans Andra Freys viktaði 90 kg. og tarfar Óskars Andra var áætlaður 85 kg. hann var úrbeinaður á staðnum.
Krúnunnar eru báðar hjá Reimari, hann segir krúnu Andra Freys mjög nærri gulli, krúna Óskars er minni og skorar ekki eins hátt.

[grimurl]

Enginn á veiðum hjá Veiðimeistaranum?

[Veiðimeistarinn]

Jú, alveg hellingur og gengur á ýmsu, langir dagar, hef farið 8 daga í röð á Bakkafjarðar og Vopnafjarðar-afréttir og enginn tími til að setja inn myndir og sögur.
Hef samt marið að veiða 3 tarfa á þessum tíma
Ég vona samt að ég hafi tíma til þess fljótlega að setja eitthvað þar að lútandi hér inn

[sindrisig]

Veiði dagsins hjá meistaranum er orðin að veiði vikunnar, í besta falli...

Þetta er ekki nógu gott. Það hljóta einhverjir að geta fyllt upp í gatið í almanakinu ekki satt?

[gkristjansson]

Get bara sagt að við vorum að veiða með meistaranum 27 til 29 Júlí og þann 29. Júlí lágu 2 tarfar frá okkur, þar að auki þá lág einn tarfur 28. Júlí tekinn af Sveini Aðalsteinssyni. Okkur reiknast til að það hafi verið gengnir um það bil 60 kílómetrar á þessum þrem dögum í veiði.

[Haglari]

Mér sýnist nú fréttaleysið stafa fyrst og fremst að því að það virðist vera mökk nóg að gera hjá meistaranum. Með því að skoða fréttaveitu UST má sjá að Siggi er nánast að guida á hverjum einasta degi: http://www.ust.is/einstaklingar/veidi/h ... plysingar/

[Veiðimeistarinn]

Jæja, það er best að gera tilraun með að setja inn myndir hérna allavega með lágmarks upplýsingum.
Ég bæti svo inn í póstana því sem á vantar á næstu dögum vegna þess að upplýsingarnar eru dreifðar um ýmsa staði uppi á Vaðbrekku og í Fellabæ, sjálfur er ég niður á Norðfirði fjarri þessum upplýsingum eins og er.

25. júlí veiddi Magni Smárason tarf á fimmta degi en þokur og vont skyggni höfðu hamlað veiðum, við fórum samt samviskusamlega á hverjum degi og ókum gengum um viðisvæðið, ásamt föður hans Smára, sem var aðallega á Diugranesi við Bakkafjörð og norður í Miðfjörð.
Á fimmta degi slógust í hópinn Gestur Rúnarsson og Frosti Magnússon leiðsögumaður sem var að kynna sér aðstæður á svæði 1.
Tarfarnir fundust á austurbrúnum Viðvíkurdals á Digranesi í utanverðu Sauðafelli.
Magni veiddi þar 91 kg. tarf með 55 mm bakfitu, hann notaði Remington 700 veiðiriffil cal. 243 með 100 gr. Sierra Game King kúlu og færið var 93 metrar.
Gestur felldi 101 kg. tarf með 70 mm bakfitu, hann notaði Tikka veiðiriffil cal. 6,5x55 eð Nosler Accobond kúlu og færið var 250 metrar.

[Veiðimeistarinn]

Sveinn spjallverji Aðalsteinsson veiddi tarf á 3ja degi 28. júlí á Sunnudalsbrunum við Víðá í Vopnafirði.
Veiðarnar höfðu gengið alla vega dýrin týnd og skyggni lítið fram eftir degi oft og gott að hafa ,,síma Svein" á Vopnafirði til skrafs og ráðagerða, hann sótti og tarfinn fyrir Svein nafna sinn á 6 hjóli upp á brúnirnar en fullu nafni heitir ,,síma Sveinn" Sveinn A Sveinsson grenjaskytta og veiðimaður sem býr á Vopnafirði.
Sveinn veiddi 90 kg. tarf og notaði Tikka cal. 6,5x55 veiðiriffil sinn nokkuð útlitsbreyttan með 120 gr. Nosler ballistic tip kúlu og færið var 242 metrar.

[Veiðimeistarinn]

Guðfinnur spjallverji í Ungverjalandi kom með tvo veiðimenn til mín og það var sama sagan þau veiddu á þriðja degi þann 29. julí.
Við höfðum að vísu séð dýr alla dagana enda með einhverja fráneygðustu konu sem ég hef kynnst á allri minni lífsfæddu æfi, Reku Szabo hinni ungversku, þrjá daga í röð sá hún dýrin alltaf fyrst allra.
En ekki vildu dýrin þíðast okkur tvo fyrstu dagana, af ýmsum ástæðum skildi með dýrum og veiðimönnum tvo fyrstu dagana, sem ekki verður tíundað frekar hér, í bæði skiptin á austanverðum Sunnudalsbrúnum áður en við náðum að veiða úr þeim.
Á þriðja degi var farið með mikinn viðbúnað og stefnt á Þrætutungur inn af Egilsstöðum í Vopnafirði.
Tarfar fundust svo í Þverárgili norðanverðu yst í Suðafelli skammt innan við þar sem Hrúta rennur í Þverá austanverða.
Þar veiddi Reka Szabo 95 kg. tarf með 60 mm bakfitu hú notaði Sauer veiðiriffil cal. 2506 með 100 gr. Barnes TSX kúlu og færið var 250 metrar skotið 45°ofan af kletti ofan í gilið niður að á.
Michael Jaicomo frá Ameríku felldi sinn tarf 85 kg. með 60 mm bakfitu og notaði Sauer veiðiriffil cal. 6,5x68 með 120 gr. Sierra Game King kúlu og færið 250 metrar einnig og skotið 45°niður eins og hjá Reku.
Ekki er sopið kálið þó í ausuna sé komið eins og þar stendur þá var eftir á ná þeim upp ur gilinu.
Aðalsteinn sonur minn kom á 6 hjóli ófæra leið inn í gilkjaftinn þangað sem við drógum dýrin þann léttari 150 metra en þann þyngri í tvennu lagi 250 metra.
Síðan var þeim mjakað á hjólinu sitt í hvoru lagi upp úr gilinu og þaðan á hjólinu í niðar þoku að bílnum sem var við ána Steinkuþangað vorum við komin undir miðnætti og heim var komið og búið að flá og borða klukkan 4 um nóttina.

[Veiðimeistarinn]

Steinarr Magnússon veiddi tarf 31. júlí á svæði 2 skörun á svæði 6 í Norðurdal í Breiðdal á Stafnsheiðardal undir Smjörhnútu.
Steinarr notaði Sako 75 veiðiriffil cal. 6,5x55 með 130 gr. Hollow-point Boat tail kúlu, hann viktaði 85 kg. bakfita 45 mm. færið var um 80 metrar.
Þar lenti ég í því sem ég hef aldrei áður séð, kúlan smaug á milli rifja og opnaðist ekkert að því er virtist rétt fyrir ofan hjartað en neðan við lungum og særði þau aðeins en tarfurinn fór nánast jafn góður, dróst samt strax aftur úr, svo Steinarr kom á hann öðru skoti og það hitti í rif aðeins ofar og verkunin eftir því eins og til var ætlast og sést á myndinni, gatið er eftir seinna skotið þar sem kúlan kom út.
Á heimleiðinni stöppuðum við hjá Þorvaldsstaðabræðrum Guðmundi og Pétri og fræddu þeir okkur um allt milli himins og jarðar hvað veiðistaðinn og helsta nágrenni varðaði, mjög fræðandi og athyglisvert kaffispjall það.

[Veiðimeistarinn]

Síðan lá leiðin á svæði 4 að leita að kú og 5 að leita að tarfi, ekkert náðist á svæði 4 eftir langan dag í Mjóafirði þar sem aðeins sáust tarfar langt fyrir utan Reyki um 10 kílómetra, kannski vorum við baar heppnir að það skildu vera tarfar það hefði sigið í að draga kúna þennan spotta.
Síðan var farið á Seyðisfjörð og verið á rjúkandi sporum seinnipartinn úr Austdal yfir á Skálnesheiði.
Daginn eftir 2. águst var leitað að tarfi á svæði 5 og farið í Hrútabotna þar náðist tarfur eftir dulítinn eltingaleik og 20 km. labb.
Guðni Þór Hauksson felldi þar tarf með fríðu föruneyti hann notaði Ruger cal. 6,5x55 tarfurinn vóg 87 kg. með 35 mm bakfitu færið var 123 metrar.