Stórskemmtilegt, þetta er tekið nýlega sé ég. Sú mórauða aðeins farin að grána í vöngum.
Í hvaða landshluta er þetta tekið og á hvernig vél er þetta tekið ?
Sæll, þetta er tekið í Skagafirðinum ekki langt frá mér, vélin er Acorn.
Þetta er ekki við skothúsið, heldur var ég að prófa að draga út þarna, mikil umferð af dýrum.
Við liggjum svo yfir þessu undir berum eða í jeppanum.
Sælir, þetta er Acorn vél, ég er með tvær vélar önnur er basic en hin sendir sms og myndir ef vill.
Ég notaði hana aðeins í vor við að ná erfiðum dýrum.
Ég hef vélarnar stilltar á þrjár myndir og video. Það hefur komið fyrir að videoupptakan nær ekki dýrunum ef þau hlaupa framhjá í einhverri fjarlægð en þá hef ég mynd af þeim.
Það hefur reynst vel til að vita tímann á styggum kvikindum.
það er ekkert langt í Hofsós, einhverjir kílómetrar.
Gott að vita að þetta virkar hjá þér Ómar, ég hafði það aldrei af að setja vélina á greni í sumar.
Vonandi hefst það næsta vor.
Glæsilegar myndir! Gaman af þessum dýrum..
Hef lengi langað að prufa yfirlegu á ref en búsetan í bænum hefur gert það aðeins erfiðara fyrir. Ég vil ekki leggja út æti ef ég get ekki sinnt því.. Þeas. Skjóta kanski einn,tvo eða þrjá refi en fóðra aðra 10 með ókeypis hlaðborði.
Mínar pælingar eru semsagt þær: Ef ég færi í að leggja út æti hversu lengi er ætið látið liggja? Væri t.d. hægt að leggja út á segjum miðvikudegi og koma svo og liggja yfir helgina eftir? Fjarlægja svo hræið svo það verði ekki bara frítt fóður.. Bara pælingar..
Sæll, það er rosalega misjafnt hvað ætið liggur áður en hún fer að ganga í, stundum eru tveir-þrír dagar nóg, stundum vika, stundum lengur. Það fer eftir fæðuframboði á svæðinu og gæðum ætis ef svo má segja á hvorn vegin sem er hvort þitt er betra en annað sem hún veit af osfr., en ef þú verður var við mikla umferð og finnur góðan stað eiga þessar pælingar hjá þér alveg grundvöll.
En getur verið betra fyrir þig að liggja úti yfir þessu og þá er að hitta á gott veður og skygni.
